1 Korin 9:1 - Telefol

¹ Tinum iip maak maak iyo bogo-nilip e, “Fol imi tebe God imi weng baga-emin bomi tisol kulugaman-tema boyo mafak o,” agan-bom-nilip e minte, “Beyo Krais imi kalan tinum ba o,” agan-bom-nilip e, “Beyo numi Kamogim Yesus iyo tiin fala atamsaala o,” agan-bom no ke-bilip kuta, nimi sang bagan-bilip boyo bisop bagan-bilip ko. Niyo Kamogim Yesus imi ogok uta kup ke-bilita, ibo bota utama-bom-nilipta, mitam Kristen kem tebesip ko.

1 Korin 9:1 Iomraidhean Croise

Aposel 13:2

Kale Yesus imi ilak dolin unang tinum iyo Kamogim iyo aman duga-e-bom-nilip e minte, iman uyo fala-bom no ke-bilipta, God imi Sinik Tambal iyo tebe bogobe-nala e, “Nagal Banabas so Sol so alop imi bogobe-nili e, ‘Alop ibo no ogok boyo kemin o,’ ageli kale, ninggil ibo dil mo-nimip kale, alop iyo imdalip unin o,” agela e,

Aposel 14:14

Kuta Yesus imi kalaan tinum Banabas so Fol sino alop iyo bomi sang uyo tinangku-nilipta, aget mafaganepmuta, ilimi aget iluum kugamin kuguup uyo kanumin kale, ilimi ilim uyo fengela ko-nilip e, yuut unang tinum imi iibak tem kweng tele abe-bom-nilip e, olabe-nilip e,

Aposel 14:4

Kuta abiip bomi unang tinum iyo ilo ko-nilipta, tinum milii iyo Juda kasel imi e minte, milii ita Yesus imi kalaan tinum alop imi no kelip ko.

Aposel 23:11

Kale mililep kota Kamogim Yesus iyo tal Fol imi mep so kugol mo bogobe-nala e, “Fol kabaa. Kabo finanin ba kale, atin titil kup faga-bom-balapta a. Nimi sang Jerusalam kagal baga-e-balap ulutap kale, mungkup nimi sang uyo abiip miton Rom kugol baga-e-bom no keman-temap o,” agela ko.

Aposel 9:15

Kamogim isiik bogobe-nala e, “Kabo unaal a. Beyo nimi ogok kenemin tinum kale, nagal ulaa dulita, beyo no unang tinum asit kek kek so bilip imi kamok king maak maak so Israel kasel so imi finang no-nalata, nimi sang uyo baga-emak o age-nilita, ulaa duli kale,

Aposel 9:17

Kale Ananayas iyo daage tam am tam-nala e, sagaal kwep yak Sol imi dubom diim daabe bogobe-nala e, “Nugum Sol kabaa. Kapmi ilep kugol tal-bom-nalap Kamogim Yesus atabap beta bogopne-nala e, ‘Kabo no Sol iyo sagaal togobelapta, imi tiin uyo tambalanepmu e minte, God imi Sinik Tambal iyo tebe imi diim abe kuntuk mobe no kelak o,’ age-nalata, nimdala tili o,” agan-kala ko.

Aposel 9:3

Kale Sol iyo no abiip Damaskus mep so no tamata, dong afalik maak abiil tigiin kutam ilota maak fagalin tap tal bemi diim abe-nulu e, alugum ilagen koluta,

Aposel 9:5

isiik bogobe-nala e, “Kamogim kabo waanta o?” agela e, bogo-nala e, “Niyo Yesus nita kale, nimi unang tinum ita kuguup mafak uyo kupka-em-nak-balap kuba.

Fol tebe Rom kutam imi suuk kon dola kobesa uta ko 1:1

Nugumal ibo nuubip aga? Kale niyo Yesus Krais imi ogok kemin tinum Fol nita kale, God yagal, kalaan tinum o age ulaa nimdu-nalata, “Kapta God imi weng tambal uyo kupka-emal o,” nage-se kale, suuk kon koyo nugumal ipmi dola kobelan o ageta ko.

Fol tebe Rom kutam imi suuk kon dola kobesa uta ko 1:5

God ilami aget fugunin uta, Fol iyo Yesus Krais imi ogok uyo ke-e-bom-nalata, alugum tinum miit maak maak iyo baga-e-balata, Krais imi ilak uyo do-nilip e minte, imi weng uyo tinangku no kelin o age-nalata, God iyo Krais imi sagaal diim ilep ilami kalaan tinum nimi ogok tambal koyo kopne-se ko.

Fol tebe Rom kutam imi suuk kon dola kobesa uta ko 11:13

Kuta kamano koyo unang tinum miit migik migik ipmi weng baga-eman o ageta kale, God iyo tebe niyo ulaa nimdu-nala, “Kabo nimi kalaan tinum ke-nalapta, yak tinum miit migik kek kek iyo nimi weng tambal uyo kwep yang baga-emal o,” age-nalata, ulaa nimdu-nalata, nimdala talbi kale, niyo ogok boyo fen God ilami ogok kalaa agan-bom-nilita, bomi deng uyo tebe-bom-nilita, ogok ke-bomi kale,

1 Korin 1:1

Nugumal nuubip aga? Niyo God imi ulaa dula kamok kesa tinum Yesus Krais imi kalaan tinum Fol nita kale, God yagal tebe niyo, “Kalaan tinum o,” age ulaa nimdulata, niso e minte nulumi duup Sostenes so

1 Korin 10:29

Kale niyo kapmi sang uta baganbaali kale, niyo tinum migik bemi sang uta bagan-bii kale, bemi God imi ilak dugamin uyo mitam titil fagabelin-tem albu kalaa age-nalapta, tolop boyo kup-kagamin ko. Kale tinum maak iyo tebe niyo bogopne-nala e, “Dam kale, niyo tii tolop boyo une-nimi kale, intaben o ageta tinum migik iyo tebe nimi aget fugunin telela ko-nili unan-bii uyo iliba nimka-bomta weng mafak uyo kupkaneman-tema a?

1 Korin 10:30

Kanube niyo God iyo, ‘Misam o,’ age unelan-temi uyo, tinum migik iyo tebe nimi, ‘Misam o,’ age unan-bii boyo weng mafak uyo kupkanemin ba o,” agelan-tema ko.

1 Korin 11:16

Kale minte kanube tinum dok ita, bomi sang uyo nuso wengaal digin-kalon o agela uyo, beyo yagal tele utam-nalata o ageta kale, nuyo dubom kon kati ulotu kemin bomi kuguup migik uyo binim e minte, God imi unang tinum abiip maak maak albip igil mungkup kuguup migik uyo binim no kale, kuguup bota waafu-bom-nilipta o ageta ko.

1 Korin 3:6

nita ason san uyo fagaga-bili e minte, Apolos ita, ason san bilip iyo kaan-nimip o age ok ilep tal deele-bala no ke-bulupta minte, God yagal ason san uyo tiin mo-balata, mitam tebe-bulu no kem-nuubu ko.

1 Korin 9:19

Kale niyo tinum iyo maak imi sagaal diim kal albaali e minte, tinum iyo maak tebe sok de namolata, ilami ogok kebaali no kuta, nimi aget fugunin uyo, unang tinum kwiin tagang imi bon tem kiit fenin man ilatap ke-nilita, God imi weng uyo baga-e-bili tinangku-nilipta, meng God imi miit tem tilin o age-nilita, nalami aget fugunin uta Kanumin-miin kalip imi bon tem kiit fenin man ilatap keta tebesi kale,

2 Korin 10:7

Kale ipmi tiin kup kwep yak daa unang tinum imi kaal uta kup utaman-bilip boyo kupkaa atin tuluun dagak diibe imi tiinemin tonamin uta utama-bom-nilipta o ageta ko. Kale kabo aget fugunolapta, “Atin niyo mitam Krais imi kalaan tinum ke-nilita, Fol iyo dupkan ke iit iin-sii o,” agan-balap aga? Nagan-balap kuta, Fol niyo fen Krais imi kalaan tinum kesi kuba. Kale kabo asok tele fugunolapta, niyo mitam dogonupmin tinum ke-sii kalaa agan-bom-nalapta o ageta ko.

2 Korin 11:5

Kale tinangku-silipta. Nimi aget fugunin uyo, niyo ipmi tinum bogo-nilip, “Nuyo Yesus imi kalaan tinum imi kamok kamok o,” agan-nuubip bilip imi afak tem kal albaali kalaa agan-bii ko.

2 Korin 6:1

Yesus imi kalaan tinum ninggil nuyo God iso ogok ke-bulup kale, ibo nuyo weng maak uyo fomtuup bogobelum o ageta kale, tinangku-silipta. Ibo God imi tebe ipmi i-filin daa telela imo-se boyo ibo bisat kupkabe-nimip kale, kupkalip abuluk o ageta ko.

Galesia 1:1

Niyo Krais imi kalaan tinum Fol nita suuk kon koyo dola kobelan-temi kale, tinum iyo maak tebe-nilipta, niyo nimdalip tisaali e minte, Krais imi kalaan tinum imi ogok kemin boyo kopnesaalip no kale, Yesus Krais so e minte ilami Aalap God ilami dufola fen-se so ulim igil tebe ogok boyo kopne-silip ko.

Galesia 5:1

Kale Krais imi aget fugunin uyo, nuyo sok de imolin binim ilitap tambaliim bom-bilipta o age-nalata, numi Moses imi ulo tebe-nulu sok de imolin ke-suu uyo talaa imda-se kale, ibo imkalip Juda kasel iyo tebe sok de imolin kelip Moses imi ulo uyo asok maak so waafunamin ba kale, titil fagaa mo bom-bilipta o ageta ko.

1 Tesalonaika 2:6

Kale mungkup nuyo dogonupmin kuguup uta maak kanu-bulupta, ipsino unang tinum kek kek so ipta numi win uyo kufu-emin o age-nulupta ba kale,

1 Timoti 2:7

Kale niyo God yagal, bomi sang uyo unang tinum imi baga-emak o age-nalata, ulaa nimdulata, mitam ilami weng baga-emin tinum ke-nili e minte, imi kalaan tinum ke no keli e, yagal bogopne-nala e, “Kabo tinum miit maak maak imi finang no-nalapta, nimi tuluun weng uyo kafale-balapta, te tam Krais imi ilak uyo dugamin o,” age-se kale, niyo weng boyo bisop baganbaali kale, dam bagan-bii ko.

2 Timoti 1:11

God ita ulaa nimdu-nala e, “Kabo nimi weng tambal kwep yang unang tinum baga-emin tinum o,” agelata, niyo imi kalaan tinum ke som, asok kafalemin tinum ke no ke-sii kale,