1 Korin 8:8 - Telefol

⁸ Kuta kanube nuyo yak unan-kalin miit maak uyo unelin-tem kelup umdii, boyo God imi tiin diim uyo mafaganan-temaalup e minte, tambalanan-temaalap no e minte, kanube boyo unelup umdii, boyo God imi tiin diim uyo tambalanan-temaalup e minte, mafaganan-temaalup no kale, boyo unan-kalin uyo maak tebe-nuluta, nuyo imtamo no God imi mep so uyo daalan-temaalu ko.

1 Korin 8:8 Iomraidhean Croise

Matyu 25:15

Kale iyo utamata e, iip maak maak bilip iyo aget tambal kup fugunin e minte, iip maak maak bilip ita aget tambal fugunin tap so kalaa age-nala e, mani bisel uyo kwaapma yak aget tambal kup fugunin bilip imi sagaal diim abelu e minte, mani katip uta kwaapma yak ipkumal imi sagaal diim abe no kelu e, maak beyo K5,000 kobe-nala e minte, maak beta K2,000 kobe-nala e, maak beta k1,000 kobe no ke-nala e, ‘Boyo kulu-nilip bisnis ke-bom mani kwaane-bilipta o,’ age kupka-nala e, daagina ko.

Fol tebe Rom kutam imi suuk kon dola kobesa uta ko 14:17

Kale alugum nuyo aget fugun-bom weng bogo-nulup, “Boyo unan-kalon-temup e? Falaman-temup e? agan-bulup bota miton o,” agan-bulup kuta, umbae. Bo miton ba ko. God imi Sinik Tambal tebe-nala atin tol kuguup min, bilili agan-kalin kuguup min, deng tebemin kuguup min uyo numi kupka-e-bala kanum-nuubup bota atin mufekmufek miton umdii kulbu kale,

1 Korin 6:13

Aa bole kapmi weng uyo dam bogo-nalap, “Unan-kalin boyo mat tem umi daak unemin mufekmufek e minte, mat tem kulaak uta unan-kalin unelap daak unemin umi baan diim no o,” agan-nuubap kuta, son-temu uyo, alop boyo God tebe kufak daala binimanan-temu kale, ibaa. Numi kaal boyo sa dagamin umi mufekmufek ba kale, boyo Kamogim Yesus imi mufekmufek e minte, Kamogim beyo numi kaal umi tiin molin no ko.

Hibru 13:9

Kale tinum iyo maak tebe weng ugulumi migik migik uyo kafale-bilipta, tal ipmi aget tem iinon-temu uyo, ibo God imi kuguup uyo kup-kaga-emin ba kale, God iyo dagaga-bilipta, ibo kuguup tambal kup kupka-e-balata, bota tebe ipmi aget tem uyo kuntuk mobe dong daga-emuk o ageta kale, kanube nuyo kupkaa yak unan-kalin umi ulo migik migik uta waafulan-temup uyo, boyo bagang-kale tebe numi aget tem uyo kuntuk mobelan-temaalu binim kale, kanupmin kuguup bota tebe-nuluta, unang tinum iyo dong daga-em tebesaalu ko.