1 Korin 4:11 - Telefol

¹¹ nuyo sugamiyok kutop ilota kwep tal kaa diibelup uyo iman tep bom-nulup e, del tem uyo atin kalanganebelu e minte, ilim uyo duumatana-bulup e, kek kek iyo nuyo kul mim tuup ye-bilip e, abiin tambal umaak ton-numup binim ke-bom e,

1 Korin 4:11 Iomraidhean Croise

Matyu 8:20

Yesus iyo imi weng uyo yan kebe-nala e, bogola, “Sep kayaam ko age dungkiil iyo dungfil tem kal sina-bala e minte, uun yagal ilami um tem kal sina-bala no kem-nuubip kale minte, Mo Tibil imi Man nita fen nalami am sinamin am binim kale, kapkal aget uyo tele fugunolal a. Kabo niso kanube tiineman o agan-balap bele ki?” agela ko.

Aposel 14:19

Kuta Juda kasel maak Provins Pisidia umi abiip Antiok so Aikoniam so kugol nin iyo tal abiip Listra tal-nilip e, Listra tinum iyo uget taga-bilipta bole, igil tuum kulu binolip yakyak bii Fol iyo angkolip daak abelata, utamipta, fen kaana ko age-nilipta bole, tam Fol iyo dilili duptamo abiip uyo kupkaa dep yang afap daalip ko.

Aposel 16:23

Kale alop iyo saal daga-bilipta bii, imka-nilip e bole, imdep no kalabus am no-nilip e, ilibe imdalip am kutam iinip e, kalabus tiin molin tinum imi bogobe-nilip e, “Tele tiin mo-bom-nalapta o,” agelipta,

Aposel 23:2

tinum amem imi kamok miton ko age hetpris Ananayas iyo tinum Fol imi mep so kugol mobip imi bogobe-nala e, “Ibo bemi fiigaal duuk uyo bo kulupmip unuk o,” agela e, kanubelip e,

Fol tebe Rom kutam imi suuk kon dola kobesa uta ko 8:35

Kale intaben uta tebe-nuluta, Krais iyo fegelebeluta, numi i-filin-boma boyo kupkalan-tema a? Kanube iluum uyo mitam numi diim abemin min, kaal fuyap mitam tebemin min, tinum tebe kuguup mafak kupka-emin min, iman tebok mitam tebemin min, numi mufekmufek duumatamin min, mufekmufek mafak tebe nuyo anolu kaanamin min, tinum tebe nuso dinan-kalin min kanupmin kanupmin mufekmufek mafak bota tebe-nuluta, Krais iyo fegelebeluta, numi i-filin-boma boyo kupka-nama bele a? Umbae. Boyo bagang-kale fegelebeluta, kupka-nama binim ko.

1 Korin 9:4

Krais imi kalaan tinum nuyo God imi ogok uyo ke-bulup God imi unang tinum iyo tebe unan-kalin min uyo nuyo kuga-emip umdii, bota felepman-temu kale minte,

2 Korin 11:20

kanube tinum iyo tebe suun kup ibo imak kalila ogok kemip min, beyo tebe ipmi mufekmufek uyo alugum binimanu kupkabela min, ibo bisop bogobe imdep yang tem tilila kaal fuyap uyo kulip min, “Ibo win binim kale nita kup o,” agan-kala min, iyo tebe kul baang binola yak tibit diim abe-bom min kema kalaa agelip uyo, ibo tiin kup ata-bom-bilip kanu-e-boma kale bole, ibo nimkalipta, nalami win uta kufuman o ageta ko.

2 Korin 4:8

Kale mufekmufek mafak kwiin tagang uyo mitam kalaan tinum numi diim uyo aban-bo kuta, nuyo kaptuga tebebaalup binim e minte, mufekmufek mafak bota uta uta kebaalu no kale, nuyo utamta, kanupmin aget iluum bomi magam uyo utabaalup kuta minte, boyo kanu-bo bomi iluum uyo nuyo bogo-nulup, “God imi miit tem albup uyo kupka-nulup e minte, imi weng baga-emin uyo kupkaa no ke yang iinum o,” aganbaalup binim kale,

Filipai 4:12

mufekmufek so kemin bomi kuguup uyo utamsi e minte, mufekmufek duumatanamin umi kuguup uyo utam kugu-bii tigin ke no kesi kale, intap intap kuguup mitam tolon-temu kuta, nile suun niyo utam kup-kugu-bii deng tebemin kuguup uyo dagaa kusi kale, niyo iman une tii keli kalaa ageli uyo, deng tebeman-temi e minte, iman tep tebepne-bulu maak so o ageli ugol mungkup, deng tebeman-temi no kale,

2 Timoti 3:11

kek kek imi kuguup mafak kupkanemsip uyo utama-bom-nalap e, nimi no Antiok tono, Aikoniam tono, Listra tono tiine-bili kaal fuyap kupkanemsip uyo utama-bom no kesap kale, kanupmin kuguup mafak kwiin tagang uyo kupkane-bilip umtal dagamsi kuta, Kamogim Yesus iyo tebe dong dagane-bom dil mo dil mo ke-balata, tambaliim tebesi ko.