1 Korin 10:11 - Telefol

¹¹ Kale alugum mufekmufek boyo mitam imi diim abe-nuluta, kafale-bulu utamamsip kale, bomi sang uyo God imi suuk kon tem kal bom-nuluta, kafin koyo mep so binimanan o agan-bo komi tinum albup numi finanin weng uyo kupka-e-bo ko.

1 Korin 10:11 Iomraidhean Croise

Matyu 13:39

Minte Saatan beyo tinum waasi al mafak san fagagamsa ilatap no kale, afungen tem tolon-temu uyo wiit damanu ugan-bii kulep tal am tomin umi am daanabu ulutap e minte, ensel ko age God imi ok tubulin tinum bilip ita minte wiit ugan-bii kulep tal am tomin tinum ilitap no ko.

Matyu 13:40

Kale ogok kemin tinum tebe al mafak umi dola de fagaa fagaa ke kulep no at kwegalip ken tebebu ulutap kale, afungen tem tolon-temu uyo,

Fol tebe Rom kutam imi suuk kon dola kobesa uta ko 13:11

Kale ipkil am kaa daanu koyo utabip kalaa age-nilita, bogobe-nili, “Kanupmin kuguup boyo kanumin o,” agan-bii kale, kota ipmi agaal unsip boyo kupkaa fenin a. Ipkil utamin. Siin uyo numi mitam kamaa Kristen unang tinum ke-sulup uyo, God imi imdep tam ilami abiip daalan agin uyo simanim kutop kal bom-suluta kale minte, kamano kole tal mep so talan-bo ko.

Fol tebe Rom kutam imi suuk kon dola kobesa uta ko 13:12

Kale mililebok uyo mep so binimanu e, am afungen uyo, mep so daanan o angbu kale, kuguup mafak waafuu mililebok tem kweng kal albup uyo alugum kupkaa meng ilagenin diim tolom-nulupta, numi waasi dinan-kalin umi ilim uyo tii-nulupta o ageta ko.

Fol tebe Rom kutam imi suuk kon dola kobesa uta ko 15:4

Kale sugayok weng ko God imi suuk kon tem dola kosip boyo tebe alugum numi kafalemuk o age-nilipta, dola kosip kale, weng boyo numi aget tem uyo kuntuk mobelu mitam titil fagaa bilili age-bom God imi kanuman-tema uta fen-nuubup ko.

Fol tebe Rom kutam imi suuk kon dola kobesa uta ko 4:23

Kale God imi suuk kon tem weng kwek umi ko bogo-nulu, “God iyo bogo-nala, ‘Beyo tol tinum o,’ age-se o,” agesu boyo, Moses iyo Abraham ita kup imi aget uta kup fuguno-nalata, dola kosaala kale ki,

1 Korin 10:6

Kale alugum mufekmufek ko mitam ti-suu bota tebe nuyo bogobe-nulu e, “Ipkil mufekmufek mafak uyo utam kong saan-bom Israel kasel bilip imi kanu-bii-silip kulutap uyo kemin ba e minte,

1 Korin 7:29

Duubal ibe. Weng maak bogobelan-temi kale, tinangku-silipta. Kafin diim komi kuguup kaa kanube albu komi siit ilugo-nulu binimanan-temu uyo mep digibanu kale, mep maak siit ilugolan-temup kwek uyo tinum unang digin min, tinum imi duup kaana o age aman-be min, tinum deng kup tebemin min, tinum bisnis kemin min, tinum kafin diim komi ogok waafulin min iyo kafin diim komi kuguup tambal bomi aget uyo ugaa kwaagamin ba kale, bomi aget uyo fong so ke-bomta God imi mufekmufek umi aget uta ugaa kwaa-bom-nilipta o ageta ko.

1 Korin 9:10

Yesus imi kalaan tinum numi aget kuso fugun-bomta, iman tep nan-temip boyo mafak o age-nalata, boyo kam age-se ko. Kale God imi aget fugunin uyo, tinum iyo milii bagaa kulu wiit ilang uyo digin-bala e minte, wiit damanu uyo, milii ita bagaa kulu daga-bala no kemin tinum bilip iyo aget fugunolipta e, dagaman-temup uyo, nugol atuk uyo kwaaman-temup kalaa agan-bom-nilipta, ogok uyo keman-temip boyo tambaliim kalaa age-nalata, God iyo numi aget uta fugun-bomta ulo boyo Moses imi bogobelata, dola ko-se ko.

Galesia 4:24

Kale weng kwek uyo do weng so kale, unang alop bilip iyo God imi weng alop maak kwep daa-se ulutap kale, maak boyo, Moses imi tam Sainai Tigiin ko tam tama ulo ko kobe-se boyo sok de kolin unang Haga ulutap kale, unang tinum iyo, ulo boyo fomtuup waafulum o age-nilipta, bong faga-bilipta, ulo boyo sok de imolin keluta, bong fagan-nuubip kale, bilip iyo Haga umi man sok de dosa ilatap ke bomta kanu-bii-silip ko.

Filipai 4:5

Ibo, alugum unang tinum iyo bet bubul kobe agol ke-e-bilipta, utamipta e, ibo bilili agin kalaa agan-kalin o ageta ko. Am kanum tulu kota, Kamogim imi tolon agin sino ko.

Hibru 10:25

Kale tinum iip maak maak iyo Kristen unang tinum sino tala tala ke bo kanumin umi kuguup uyo kupkaa yang iin-silip kuta, nuyo kulutap ke kup-kagamin ba kale, ipkil utamin. Nuyo, Krais imi tolon-tema uyo mep so so kem talan-bo kalaa agan-bom-nulupta, dital fagaa Kristen unang tinum imi aget tem uyo fomtuup wit saane-bom dong dogobina tala ke-bulupta, titil fagaa bom-bilipta o ageta ko.

Hibru 10:37

Kale bomi sang uyo God iyo bogo-nala kano, “Siit ilugolan-temaalu kale, ilugolin tap kelan-temu kota, tinum, ko tolon o agan-be beyo tolon-tema kale, beyo fiyaap tolon-temaala binim ko.

1 Jon 2:18

Nimi mulup tan ibe. Afungen tem boyo mep so talan-bo ko. Kale ibo siin uyo tinangkulipta, “Krais imi waasi iyo mitam tolon-tema o,” agelip tinangku-silip kale, kamano kota Krais imi waasi iyo kwiin tagang mitam tebebip kale, bota utamupta e, kamano koyo afungen tem uyo mep so so talan-bo kalaa agan-bulup ko.