Yudas 1:8 - Kaili Ledo

⁸ Nau naria jonjo pehuku nu Alatala ka tona nadaa pangane, guru-guru mpodava gahaitu batena novia nadaa. Pangipi-pangipira niulira lako nte Alatala, tano mai ledo nakana. Pangipira haitu nanggeni ira novia dosa anu nompakaruto karora mboto. Ira nompandaente kuasa nu Alatala bo nanjalai malaeka anu nipokumaaka ri suruga.

Yudas 1:8 Iomraidhean Croise

Lukas 11:25

Makava ia ri sia, rakavana tona haitu eva banua boa, ledo ria toponturona bo banua haitu naupu nipegasa bo nipasiayu.

Lukas 12:11

Ane komiu rakeni ntona ri ngayo ntopotangara ri banua petupu, atau ri ngayo pomarenta sabana komiu nangoseaka Yaku, nee makini raramiu mompekirika nuapa raulimiu mombasaliku karomiu.

Lukas 19:14

Naupu notesa ivehaitu nalaimo ia. Tapi tona ri ngatana mboto navuu matara nte ia. Jadi nitudura topanggeni tesa hau ri ngata nakavao haitu. Nakava sumai topanggeni tesa haitu nanguli ka Magau Mbaso, ‘Kami ledo madota ana madika hitu majadi madika ri ngata kami.’

Suro-Suro 23:5

Nesana Paulus, “O, sampesuvu pura-pura, ledo nisaniku iamo Pakeni nTopanggeni Pesomba. Ane nisaniku, ledo kuuli tesa pangane, sabana riara Buku Gasa nitulisi ivei: ‘Nee mombasalai pakeni ntodeamu!’ ”

Suro-Suro 7:27

Tapi tona nombaboba roana haitu nombajunaka i Musa, bo nanguli, ‘Isema nanganggataka iko majadi totua ngata atau topotangara kami?

Suro-Suro 7:39

Naupa ivesia, totua-totuata ledo ntoto nioseakara tesa i Musa. Nisapuakara tesana bo ira madota manjili hau ri tana Mesir.

1 Korintus 3:17

Isema-sema mombagero banua niponturo nu Alatala haitu, ia kana rahuku nu Alatala, sabana banua haitu nagasa. Toramo! Komiumo banua haitu!

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Timotius 1:10

Atura haitu nipovia ka tona nosipogau nte tona ledo bereina mboto, tona nosipogau simbo langgai atau simbo mombine, topangae, topodava, sabi-sabi mpodava, bo ka isema-sema novia anu ledo nosinggambela nte pepatuduki nakana.

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

1 Petrus 2:17

Bilamo pura-pura tona. Potovemo sampesuvumiu sampomparasaya. Pekoumo nte Alatala bo bilamo magau!