Yudas 1:7 - Kaili Ledo

⁷ Tora munimo tupu ngata Sodom bo Gomora nggaulu bo ngata-ngata ri sinjorina. Ira nasimbayu nte malaeka-malaeka pangane, haitumo ira muni ledo nabasa-basa nosipogau nte tona ledo bereira mboto bo nangoseaka pokainggu nabuga ntotomo. Ngatara nipalabusi ante apu rapopatora ka pura-pura tona, pokainggu nadaa rahuku ante apu sampe ri kasae-saena.

Yudas 1:7 Iomraidhean Croise

Matius 10:15

Pariaramo tesaKu hitu! Ri Eo Potangara ri kaupu nu dunia melabipa kadaana pehuku nu Alatala ka ira pade pehuku rapambela ka tupu ngata Sodom bo Gomora anu nadaa mpuu pokainggura!”

Matius 11:24

Jadi pariaramo! Ri Eo Potangara bara maipia mandasapa pehuku rapambela ka komiu pade pehuku rapambela ka tupu ngata Sodom!”

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Lukas 17:29

Tapi tempo i Lot nalai lako ri ngata Sodom, eo haitu muni nanaumo apu ante vatu colonggata navaya lako ri suruga nompakaropu ira sangata.

1 Korintus 6:9

Jadi, ledo nisanimiu tona ledo nangoseaka dota nu Alatala ledo ntoto manggava bagia riara Poparenta nu Alatala? Nee sampe komiu rabagiu! Tona nokainggu nabuga, tona nompakande tupu-tupu ntanina, tona nobualo, bo tona nompogau simbo langgai atau simbo mombine, ira pura-pura ledo ntoto manggava bagia riara Poparenta nu Alatala.

2 Tesalonika 1:7

bo rakabasakaNa komiu lako ri kasusa nirasaimiu sii-sii, bo ivesia muni kami. RakabasakaNa pura kita tempo i Pue Yesus manau lako ri suruga mosanggani-nggani ante malaeka-malaekaNa nakuasa,

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

2 Petrus 2:2

Nadea tona mompasiala pokainggu nu guru-guru gahaitu anu nangoseaka dota nu rarara nadaa. Bo pepatuduki nakana rasalai ntona sabana pokainggura haitu.

2 Petrus 2:6

Ivesia muni ante ngata Sodom bo Gomora. Alatala nombahuku tupu ngata nadaa haitu ante nompalabu ngatara. Haitu najadi pepatora ka tona ri puri anu ledo nangoseaka dota nu Alatala.

2 Petrus 3:7

Sii-sii ledo nikitata anu nabali tapi langi bo tana anu naria sii-sii nijagai ante kuasa tesa nu Alatala sampe rapakaropu ante apu bara maipia. Sii-sii dunia da nijagai sampe Eo Potangara bara maipia tempo pura-pura tona anu ledo nangoseaka dota nu Alatala rahuku.