Yudas 1:10 - Kaili Ledo

¹⁰ Tapi guru-guru mpodava haitu nanjalai mpengaya-ngaya anu ledo nisanira. Ira nasimbayu mpo binata-binata anu ledo namala nompekiri. Anu nirasaira, haitumo nioseakara ante ledo ria rekena. Bo pokainggura haitumo sampe ira rahuku nu Alatala.

Yudas 1:10 Iomraidhean Croise

Roma 2:14

Tona ledo toYahudi ledo nisanira Atura agama Yahudi. Tapi biasa pekiri rara ntaira mboto nanggeni ira nokainggu nabelo, nasimbayu mpo pokainggu niuli riara Atura agama. Nau ledo nisanira Atura agama Yahudi, pekiri rara ntaira mboto najadi Atura agama ka ira.

Filipi 3:19

Tona ivehaitu ranavusaka ri narakaa, sabana aga dotara mboto anu nadaa nisombara. Anu nipoeya, haitumo nioera sabana aga anu ri dunia hitu nipekirikara.

2 Petrus 2:12

Tapi guru-guru mpodava haitu nanjalai nuapa-nuapa ledo nisanira. Ira nasimbayu nte binata nasoa, anu aga nipoanaka rasaka bo rapatesi. Ira ledo nompekiri, aga natuvu nangoseaka dota-dota anu naria nte ira. Jadi lako ri pokainggura nadaa haitu, guru-guru mpodava kana rapakaropu nasimbayu nte binata-binata nasoa.