Yohanes 9:7 - Kaili Ledo

⁷ Pade nituduNa, “Koi doupimo matamu ri uve Kola Siloam.” Siloam batuana “Nitudu.” Jadi hau mpuumo toburo haitu. Nakava ri Kola Siloam, nidoupinamo matana. Nanjilipa ia, nekitamo matana.

Yohanes 9:7 Iomraidhean Croise

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Lukas 13:4

Toramo tona sapulu uvalu anu namate napara Kola Siloam tempo ira nirumpi nu banua langa. Nee rapekirimiu ira namate sabana nadeapa dosara pade dosa ntoYerusalem ntanina!

Lukas 2:32

Iamo reme nombavanta rara ntai manusia pura-pura anu dopa nosisani nte Komiu, ala raparasayara Komiu. Bo Iamo sabana todeaMiu toIsrael rabila nu manusia pura-pura.”

Yohanes 10:36

nemopa Yaku! Apa Yakumo hii nipelisi nu Alatala bo nituduNa tumai ri dunia! Jadi nakuya niulikamiu Yaku nompandaente Alatala sabana niuliKu Yakumo hii Ana nu Alatala?

Yohanes 11:37

Tapi naria muni sanu ira nanguli ka roa, “Tona naburo namala nipakabeloNa. Nakuya bo ledo namala nipakabeloNa i Lazarus nadua ala ia ledo mamate?”

Yohanes 9:11

Nesana ia, “Tona nosanga i Yesus notoveulusi tana, bo nipinjukiNa sakide tampo haitu, bo nigeseNa ri mataku. Pade nituduNa yaku hau mombadousi mataku ri Kola Siloam. Jadi hau mpuumo yaku bo naupu nendou namalamo mataku nekita.”

Yohanes 9:39

Nanguli i Yesus ka ia, “Patuju kakavaKu ri dunia hitu ala mompakalanto sala ntona ala tona naburo mamala mekita, bo tona nisarumakana nekita, majadi maburo.”

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Roma 8:3

Atura agama ledo namala mombakabasaka kita lako ri kuasa dosa sabana kita manusia ledo nompakule mangoseaka Atura haitu. Tapi anu ledo namala nipovia nu Atura agama, namala nipovia nu Alatala. NituduNa AnaNa mboto tumai ri dunia, bo AnaNa najadi manusia ante karo nasimbayu mpo karo nu manusia nadosa ala Ia mombarasai pehuku nu Alatala ri karoNa sabana dosata. Bo ante pohuku karo i Yesus, Alatala nombadagi kuasa nu dosa riara ntaita.

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.