Yohanes 8:34 - Kaili Ledo

³⁴ Nesana i Yesus ka ira, “Pariaramo tesaKu hitu. Isema-sema novia dosa, iamo nipobatua nu dosa.

Yohanes 8:34 Iomraidhean Croise

Matius 5:18

Pariaramo tesaKu hitu! Ane da maria langi bo tana, ledo ria malipo sambelaa lako ri Atura-atura haitu, nau sangu hurupu atau santiti ledo ntoto. Kana madupa puramo.

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Roma 6:12

Jadi nee rapalamba dosa mombakuasai katuvumiu ri dunia hitu, ala komiu ledo mangoseaka dota raramiu anu nadaa.

Roma 6:16

Nisanimiu mboto ane kita matundu nte tona bo mangoseaka parentana, kita majadi batuana. Ivesia muni ante dosa. Ane kita batena mangoseaka dota rarata anu nadaa, kita majadi batua nu dosa bo kaupuna kita mamate bo rapopogaa lako nte Alatala. Tapi ane kita matundu nte Alatala, kita majadi batuaNa bo kita rapakanoa ri panggitaNa.

Roma 6:6

Nisanita katuvuta nokolu nireke namate nosanggani-nggani ante i Kristus ri kayu salib, ala kuasa nu dosa riara nggatuvuta rapakaropu, bo kita domo rakuasai nu dosa.

Roma 7:14

Sampesuvu-sampesuvu, nisanita Atura agama mpuu-mpuu nabelo sabana Atura haitu lako nte Nosa Gasa nu Alatala. Tapi yaku hii aga manusia nalente, yaku nipobatua nu dosa.

Roma 7:25

Yaku nosukuru nte Alatala! Apa Tuputa Yesus Kristus mombakabasaka yaku!

Roma 8:21

Haitumo, pura-pura isi nu dunia nanjarumaka makava tempona bara maipia, dunia rakabasaka lako ri kuasa manggeni kamatea, bo dunia mpuu-mpuu makabasaka bo mombarasai kaoge anu radekei ka ana-ana nu Alatala nosanggani-nggani nte ira.

Efesus 2:2

Komiu natuvu nangoseaka kabiasa-kabiasa nu manusia ri dunia hitu, haitumo komiu nangoseaka dota nu Magau Seta, pakeni nu kuasa-kuasa nadaa ri laerava. Iamo nombakuasai rara ntai ntona anu ledo natundu nte Alatala.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

2 Petrus 2:19

Guru-guru haitu nojanji ivei: “Ane raoseakamiu pepatuduki kami, komiu makabasaka lako ri atura-atura! Komiu mamala movia nuapa-nuapa rapodotamiu.” Tapi nau niulira makabasaka, ira mboto nikuasai pokainggu-pokainggu anu nompakarugi manusia. Apa tona nidagi dota rarana nadaa, batuana ia nipobatua nu dota rarana haitu.