Yohanes 7:7 - Kaili Ledo

⁷ apa ledo ria tona navuu matana nte komiu. Tapi Yaku nipovuu mata ntona nadaa ri dunia hitu sabana Yaku nantuenaka pokainggura nadaa.

Yohanes 7:7 Iomraidhean Croise

Lukas 6:26

Mandasa mpuu komiu ane pura-pura tona nombatoiya komiu, sabana ivesia muni totuamiu nggaulu nombatoiya nabi mpodava.”

Yohanes 17:14

NipasimbayuKu ka iramo tesaMiu sampe tona riara dunia hitu navuu matara nanggita anaguruKu. Sabana, anaguruKu haitu ledo nosangu pekiri ante ira, nasimbayu mpo Yaku muni ledo nosangu pekiri ante tona haitu.

Yohanes 3:19

Ana nu Alatala nakava ri dunia eva reme nombavanta kalandana, tapi ira nihuku sabana nipokonorapa kalandana pade karemena apa pokainggura nadaa.

Roma 8:7

Ane pekiri ntona nikuasai nu dota rara nadaa, ira nangeva Alatala. Ledo nioseakara parentaNa sabana ledo nipakulera.

Galatia 4:16

Jadi, hitupa yaku nirekemiu balimiu sabana anu nakana nitesaku ka komiu?

Yakobus 4:4

Komiu nasimbayu mpo topobualo apa komiu ledo natutu nangoseaka Alatala. Ledo nisanimiu? Ane rapoinota anu nipodota ntona nadaa ri dunia hitu, kita majadi bali nu Alatala. Isema-sema mompoino anu nipoino ntona nadaa ri dunia hitu, ia nompajadi karona mboto bali nu Alatala.

1 Yohanes 4:5

Nabi-nabi mpodava gahaitu ledo nangoseaka dota nu Alatala. Haitu sampe pepatudukira nangoseaka pekiri ntona ri dunia anu ledo nangoseaka dota nTupu, bo nadamba tona nompetalingai pepatudukira.