Yohanes 7:3 - Kaili Ledo

³ Tuei-tuei i Yesus nanguli ka Ia, “Aginamo Iko hau ri bagia Yudea ala pura-pura topangoseaka Iko hamai rakitara muni kabaraka-kabaraka Mupovia.

Yohanes 7:3 Iomraidhean Croise

Matius 12:46

Tempo i Yesus da notesa-tesa ka todea haitu, nakavamo tinaNa bo sampesuvuNa. Ira neangga ri savalikuna madota motesa ante Ia.

Markus 3:21

Sampesuvu i Yesus nangepe anu nipoviaNa haitu bo nisarumakara nabayamo Ia. Jadi nakavamo ira mangala Ia.

Markus 3:31

Naupu haitu nakavamo tina i Yesus bo sampesuvu-sampesuvuNa. Ira nepopea ri savalikuna bo nitudura tona hau mombaronde i Yesus.

Lukas 8:19

Naria sanggani tina i Yesus ante sampesuvu-sampesuvuNa nakava madota mosinggavaka Ia. Ledo namala sabana nadea gaga tona nombatagui Ia.

Lukas 8:20

Naria saito tona nanguli ka i Yesus, “Guru, tinaMiu ante sampesuvu-sampesuvuMiu ria ri savalikuna. Ira madota mosinggava nte Komiu.”

Yohanes 2:2

I Yesus bo anaguruNa muni nigaga hau ri posusa haitu.

Yohanes 6:60

Naupu nangepe tesa i Yesus haitu, nadeamo topangoseaka Ia nanguli, “Hu! Nakaja gaga pepatuduki hitu! Isema mompakule mangoseaka tesa eva haitu?”

Yohanes 6:66

Nompamula lako ri eo haitu, nadea topangoseaka i Yesus nompalaisi Ia bo domo nadota nangoseaka Ia.

Yohanes 7:10

Nalaipa sampesuvu i Yesus hau ri Yerusalem, hau munimo Ia saitoNa. Ia hau ri posusa haitu nggalino-lino ala ledo rasani ntodea.

Yohanes 7:4

Apa isema-sema madota rasani ntodea, ledo ratabuniakana poviana. Jadi popakitamo tanda nipokumaaka nipoviaMu ka todea.”

Yohanes 7:5

Niulira ivesia sabana nau i Yesus sampesuvura mboto, ledo muni niparasayara Ia.

Suro-Suro 2:14

Nangepe tesa ntona haitu, neanggamo i Petrus nosanggani-nggani ante sapulu saito suro ntanina, bo notesamo ia ka todea ante suara namangga. Niulina, “Sampesuvu-sampesuvuku toYahudi, bo pura-pura toponturo ri ngata Yerusalem! Epemo pakabelo-belo, kupakalanto ka komiu batuana anu najadi ri sii pangane.