Yohanes 7:15 - Kaili Ledo

¹⁵ Pakeni ntoYahudi nokumaa mpuu nangepe pepatuduki i Yesus, bo nanguli, “Hee! Nakuya sampe nadea mpuu nisaniNa, tano mai Ia ledo nosikola?”

Yohanes 7:15 Iomraidhean Croise

Matius 13:54

hau ri ngataNa mboto. Ri sia Ia nompaguru tona ri banua petupura. Natekaja ira nangepe tesaNa, sampe ira nosimpekutana, “Lako ri umba tano nikavaNa noto eva haitu? Bo lako ri umba muni nikavaNa kuasa novia kabaraka-kabaraka?

Matius 22:22

Nangepe pesana i Yesus haitu, nokumaa mpuumo ira. Jadi kaupuna nalaimo ira.

Matius 22:33

Nangepe pesana i Yesus haitu, nokumaamo todea ka pepatudukiNa.

Lukas 2:47

Pura-pura tona nangepe Ia nokumaa, sabana natau mpuu Ia nesanaka guru agama.

Lukas 4:22

Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 7:11

Ri posusa haitu, pakeni-pakeni ntoYahudi nangelo Ia. Ira nekutana-tana, “Ri umba tano Ia?”

Yohanes 7:13

Tapi ledo ria saitoa tona nabia nanguli ri ngayo ntodea, sabana naeka ira ka pakeni-pakeni ntoYahudi.

Yohanes 7:46

Nesanamo topojaga Banua nu Alatala haitu, “Dopa naria niepe kami tona notesa mpo Ia.”

Suro-Suro 26:24

Da notesa i Paulus nanjaliku karona, nongaremo Gubernur Festus, “Nabayamo iko, Paulus! Pangisanimu nadea tutu nompakabaya iko!”

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.