Yohanes 7:14 - Kaili Ledo

¹⁴ Nagantanga posusa haitu pade nesua i Yesus hau ri doyata Banua nu Alatala bo nompamulamo nompatuduki tona.

Yohanes 7:14 Iomraidhean Croise

Matius 21:12

Hau i Yesus nesua ri doyata Banua nu Alatala bo nipopalaiNa pura-pura tona nobalu-balu ri sia. NisumbolinakaNa meja-meja ntoposula doi bo bangku-bangku ntopobalu tonji banggebodo.

Matius 26:55

Pade nanguli i Yesus ka todea ri sia, “Berimbamo? Yaku hii topeago sampe komiu kana tumai ante guma bo pato mombasaka Yaku? Eo-eo Yaku nonturo nompaguru ri doyata Banua nu Alatala, tapi ledo nisakamiu Yaku!

Lukas 19:47

Eo-eo i Yesus nesua nompaguru ri doyata Banua nu Alatala. Balengga ntopanggeni pesomba ante guru-guru agama bo totua-totua ntoYahudi madota mompatesi Ia.

Yohanes 18:20

Nesanamo i Yesus, “Yaku nasaro notovontoo notesa ri ngayo ntodea. Yaku nasaro notesa ri banua petupu bo ri Banua nu Alatala, ponturo nikasiromu ntoYahudi. Ledo ria sanggania nitabuniakaKu tesaKu.

Yohanes 5:14

Naupu haitu i Yesus nosinggava nte tona haitu riara Banua nu Alatala, bo niulikaNa ka ia, “Peinta vei! Nabelomo iko. Jadi tumo mupovia dosa ala iko ledo mambela anu nadaapa vai pade duamu tutu.”

Yohanes 7:2

Tempo haitu naparamo eo mbaso ntoYahudi anu niuli Posusa Sou Tava.

Yohanes 7:28

Jadi tempo i Yesus da nompatuduki ri doyata Banua nu Alatala, nitesaNa ante suaraNa namangga, “Nisanimiu tano isema Yaku bo lako ri umba kakavaKu? Yaku ledo nakava nangoseaka dotaKu mboto, tapi Yaku nakava nangoseaka dota nu Alatala anu nombatudu Yaku. Iamo masipato raparasaya. Ledo ntoto nisanimiu Ia,

Yohanes 7:37

Ri eo kaupuna, eo matana posusa haitu, i Yesus neangga ri doyata Banua nu Alatala bo notesa ante suara namangga, “Isema-sema nabai tambolona, kamaimo nte Yaku bo manginu.

Yohanes 8:2

Kamaile bobayana, hau vaimo Ia nesua ri doyata Banua nu Alatala, bo nakavamo todea nasiromu nte Ia. Nonturomo Ia bo nompatuduki ira.

Yohanes 8:20

Tesa i Yesus haitu nitesaNa ri doyata Banua nu Alatala tempo Ia nompatuduki tona napara peti pomboli doi pesomba. Ledo ria saitoa tona namala mombasaka Ia sabana dopa nakava tempoNa.