Yohanes 7:13 - Kaili Ledo

¹³ Tapi ledo ria saitoa tona nabia nanguli ri ngayo ntodea, sabana naeka ira ka pakeni-pakeni ntoYahudi.

Yohanes 7:13 Iomraidhean Croise

Yohanes 19:38

Naupu haitu, i Yusuf toArimatea hau nomperapi karobata i Yesus lako nte i Pilatus. I Yusuf haitu topangoseaka i Yesus, aga ledo nisani ntona sabana ia naeka ka pakeni ntoYahudi. Perapi i Yusuf haitu nipoiyo i Pilatus. Jadi haumo i Yusuf nantauraka karobata i Yesus lako ri kayu salib.

Yohanes 20:19

Ri eo Aka bongina, ana-anaguru i Yesus nasiromu ri sangu banua. Vamba nu banua haitu nigunji sabana ira naeka ka pakeni ntoYahudi. Sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 7:1

Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Yohanes 7:11

Ri posusa haitu, pakeni-pakeni ntoYahudi nangelo Ia. Ira nekutana-tana, “Ri umba tano Ia?”

Yohanes 7:15

Pakeni ntoYahudi nokumaa mpuu nangepe pepatuduki i Yesus, bo nanguli, “Hee! Nakuya sampe nadea mpuu nisaniNa, tano mai Ia ledo nosikola?”

Yohanes 9:22

Tina tuamana nanguli ivesia sabana naekamo ira ka toFarisi. Apa toFarisi haitu nasintuvumo isema-sema mompangaku i Yesus Magau Topepakasalama anu nijanji nu Alatala, domo radekei metupu ri banua petupu.

Yohanes 9:34

Nesana ira, “Hih! Iko tu todosa mami lako ri pompoanaka! Ledo ntoto masipato iko mompatuduki kami!” Jadi nompamula lako ri eo haitu, domo nidekeira tona haitu metupu ri banua petupu.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.