Yohanes 6:71 - Kaili Ledo

⁷¹ Tona nipatuju i Yesus iamo i Yudas ana i Simon Iskariot. Apa naupa i Yudas haitu saito lako nte ira sapulu randua, ia haitumo anu mompobalu i Yesus ngena.

Yohanes 6:71 Iomraidhean Croise

Matius 10:2

Sanga sapulu randua anaguru anu nisuroNa haitumo, Pamulana i Simon anu nosanga muni i Petrus; bo i Andreas, tuei i Petrus; i Yakobus bo i Yohanes ana-ana i Zebedeus; i Filipus; bo i Bartolomeus; i Tomas; bo i Matius topesingara balasitee; i Yakobus ana i Alfeus; i Tadeus; i Simon, saito lako ri partai Zelot, haitumo partai maradeka ntoYahudi; bo i Yudas Iskariot anu nompobalu i Yesus ka baliNa.

Markus 14:10

Naupu sia, i Yudas, saito lako ri sapulu randua anaguru i Yesus, hau nte balengga-balengga ntopanggeni pesomba. Patujuna mompobalu i Yesus ka ira.

Yohanes 12:4

Nanggita haitu, notesamo saito anaguru i Yesus anu nosanga i Yudas Iskariot anu mompobalu Ia bara maipia. Niulina,

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Yohanes 13:26

Nesana i Yesus, “Tona Kudekeika roti Kutula ri uta, iamo nipatujuKu.” Naupu haitu nialaNamo santubi roti bo nitulaNa ri uta pade nidekeiNa ka i Yudas, ana i Simon Iskariot.

Yohanes 2:2

I Yesus bo anaguruNa muni nigaga hau ri posusa haitu.

Yohanes 20:24

I Tomas, saito lako ri sapulu randua anaguru i Yesus, niuli muni “Ngana Rapi”. Ia ledo naria nosanggani-nggani ante roa-roana tempo i Yesus nakava nompopakita karoNa ka ira.

Yohanes 6:64

Tapi da naria sanu komiu ledo nomparasaya.” I Yesus nanguli ivesia sabana nisaniNa mamimo lako ri pamulana isema ledo momparasaya bo isema mompobalu Ia bara maipia.

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Yudas 1:4

Nariamo bara sako-ndua tona nesua nggalino-lino ri tatangata ntopomparasaya. Pangulira ira sampesuvuta sampomparasaya, tano mai ira ledo nangoseaka dota nu Alatala. Pangulira ledo makuya kita mangoseaka dota rarata nadaa, apa Alatala nompotove kita bo raampungiNa salata haitu. Tapi pepatuduki haitu ledo ntoto nakana, ira aga nombatenggoaka pepatuduki anu nombatesa kabelo nu Alatala. Nisapura i Yesus Kristus saito-itoNa Magau bo Tuputa. Lako ri nggauluname pehuku rapambela ka ira nipakatantu mamimo bo nitulisi riara Buku Gasa.