Yohanes 6:2 - Kaili Ledo

² Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Yohanes 6:2 Iomraidhean Croise

Matius 12:15

Nisani i Yesusmo patuju ntoFarisi nadaa haitu nte Ia. Jadi nalaimo Ia lako ri ponturo haitu hau ri ponturo ntanina. Nadea mpuu tona nantuntuni Ia bo isema-sema nadua, nipakabeloNamo.

Matius 13:2

Mpalunu-lunu tona nakava nantagui Ia sampe Ia hau nesavi sakaya bo nonturo riarana, bo todea neangga ri talinti.

Matius 14:14

Tempo i Yesus nanau lako ri sakaya, nikitaNa nadea mpuu tona nompopea Ia. Naasi mpuumo mataNa nanggita ira, bo nipakabeloNamo tona nadua.

Matius 8:1

Notuamo i Yesus lako ri bulu, nadea mpuu tona nantuntuni Ia.

Markus 1:45

Tapi nau nitagi, kana hau nipatolelena kajadia pangane. Nitesana ka tona ri umba-umba sampe i Yesus domo namala nesua rangata. Ia nonturo ri savaliku ngata ri kalinona. Tapi naupa ivesia, todea lako ri umba-umba nakava njuu nte Ia.

Markus 6:33

Tapi nadea tona nanggita ira bo nisani ntodea patujura. Jadi, nadea tona lako ri pura-pura ngata ri bagia haitu, nompari-mpari hau nangose dala ri kabatana mompasintou i Yesus ante anaguruNa ri ponturo rakalaura.

Yohanes 11:47

Jadi balengga-balengga ntopanggeni pesomba bo toFarisi nompasiromu toPolibu Mbaso Agama Yahudi. Niulira ka topolibu anu nasiromu haitu, “Nuapa masipato rapoviata? Nadea mpuu kabaraka nipovia ntona haitu.

Yohanes 12:18

Jadi nadea tona hau nombatomunaka i Yesus, sabana niepera i Yesus novia kabaraka haitu.

Yohanes 12:37

Naupa nadeamo kabaraka nipoviaNa ri ngayora, ledo niparasayara Ia.

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 2:23

Tempo i Yesus da naria ri ngata Yerusalem tempo Posusa Paskah, nadeamo tona nomparasaya Ia sabana nikitara kabaraka-kabaraka nipoviaNa.

Yohanes 20:30

Da nadeapa tanda-tanda nipokumaaka ntanina nipovia i Yesus tempo Ia da naria nosanggani-nggani ante ana-anaguruNa anu ledo nitulisi riara buku hitu.

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 6:22

Naeo mpadondo, todea anu naboli ri sambote rano haitu nangelo i Yesus. Nitorara aga sangu sakaya hamai riavi. Bo nitorara i Yesus ledo nesavi sakaya nosanggani-nggani ante ana-anaguruNa, aga ira bayangi nesavi sakaya hau ri sambotena.

Yohanes 6:26

Nesanamo i Yesus, “Pariaramo tesaKu! Komiu nangelo Yaku sabana komiu nangande roti sampe nabosu. Ledo nisanimiu patuju ntanda nabaraka nipoviaKu haitu.

Yohanes 6:30

Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?