Yohanes 5:16 - Kaili Ledo

¹⁶ Jadi nompamula lako ri kabelo ntona haitu, nieloramo dala mompandasa i Yesus, sabana nipakabeloNa tona nadua ri eo penonto.

Yohanes 5:16 Iomraidhean Croise

Matius 12:13

Naupu haitu nanguli Yesus ka tona nakoyo palena haitu, “Odomo palemu!” Tona haitu nangodo palena, bo kaliu-liu nabelomo, nasimbayu eva palena sabinggapa.

Markus 3:6

Naupu haitu nesuvumo toFarisi lako ri banua petupu haitu bo hau nosimpotesa ante tona nosabingga ka Magau Herodes, mangelo dala mompatesi i Yesus.

Lukas 6:11

Nanggita haitu nagigi mpuu rara nu guru-guru agama bo toFarisi haitu. Jadi nolibu ira nuapa mamala rapoviara nte i Yesus.

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 10:39

Nangepe haitu, pakeni ntoYahudi nompasimbuku vaimo mombasaka i Yesus, tapi nalaimo Ia.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yohanes 5:10

Sabana haitu, nangulimo pakeni-pakeni ntoYahudi ka tona nipakabelo haitu, “Eo hitu eo penonto. Nantuntuni Atura agama, ledo mamala iko mosimbuaka ompamu!”

Yohanes 5:13

Tapi tona dako nipakabelo haitu, ledo nisanina isema nompakabelo ia, sabana i Yesus netinggalipomo ri tatanga ntodea haitu.

Yohanes 5:15

Naupu sia, haumo tona haitu nte pakeni ntoYahudi bo nanguli, i Yesusmo nompakabelo ia.

Yohanes 5:17

Tapi nanguli i Yesus ka ira, “TuamaKu bate-batena nokarajaa sampe ri eo hitu, bo Yaku muni kana mokarajaa.”

Yohanes 5:18

Nangepe tesa i Yesus haitu, pakeni ntoYahudi nompasimbuku mpuu mangelo dala mompatesi Ia. Apa Ia ledo aga nombaliunaka atura-atura eo penonto tapi niuliNa muni Alatala TuamaNa mboto. Ivesiamo Ia nompakasimbayu karoNa ante Alatala.

Yohanes 7:21

Nesana i Yesus, “Aga sangaya kabaraka nipoviaKu bara ipia bo komiu nahera sabana nipoviaKu ri eo penonto.

Yohanes 7:25

Naupu haitu naria bara sako-ndua toYerusalem nanguli, “Ledo Ia hitumo tona nielo nu pakeni-pakeni ala rapatesira?