Yohanes 4:34 - Kaili Ledo

³⁴ Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Yohanes 4:34 Iomraidhean Croise

Matius 26:39

Naupu haitu, i Yesus napola haunapa sakide lako nte ira tatalu bo notungga sampe ri tana nosambaya. NiuliNa, “Tata, ane mamala, Kuperapi ala peparajea anu rapambela ka Yaku, nee rapambela ka Yaku. Tapi nee dotaKu majadi, damo aga dotaMiu majadi!”

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Matius 9:19

Nangepe haitu, neanggamo i Yesus hau mantuntuni tuama nu ngana haitu. Bo anaguruNa muni hau nosanggani nte Ia.

Lukas 15:10

Ivesia muni malaeka-malaeka nu Alatala. Madamba mpuu rarara ane saito tona najea nokainggu nadaa.”

Lukas 19:10

Yaku, Ana nu Manusia, nakava ri dunia hitu ala mangelo bo mompakasalama tona nasalandala.”

Lukas 2:49

Nesana Ia, “Nakuya nielokamiu Yaku? Ledo nisanimiu Yaku kana maria ri banua nTuamaKu?”

Yohanes 17:4

NipopaisaniKu kuasa bo kaogeMiu ri dunia hitu ante nompakaupu pokarajaa niparasayaMiu ka Yaku.

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Yohanes 19:30

Naupu i Yesus nompetami uve anggur napoi haitu niuliNamo, “Naupu puramo.” Naupu haitu notunggamo Ia bo naponjimo.

Yohanes 4:32

Tapi nesana i Yesus, “Nariamo kandeaKu anu ledo nisanimiu.”

Yohanes 5:30

Bo nanguli munimo i Yesus ka pakeni-pakeni ntoYahudi, “Yaku ledo namala novia nuapa-nuapa nangoseaka dotaKu mboto. Yaku nombatangara nangoseaka anu niepeKu lako nte TuamaKu. PotangaraKu nanoa apa Yaku ledo nangoseaka dotaKu mboto tapi aga dota nTuamaKu anu nombatudu Yaku.

Yohanes 5:36

Tapi naria sangayapa anu nompakalanto isema Yaku, bo anu haitu nopokopa pade sabi i Yohanes Topediu, haitumo pokarajaaKu. PokarajaaKu niparasaya nTuamaKu ka Yaku ala Kupakaupu. Pokarajaa haitumo nompakalanto Yaku hii nitudu nTuamaKu.

Yohanes 6:33

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Yohanes 6:38

Apa Yaku nanau lako ri suruga, ledo movia dotaKu mboto, tapi movia anu nipodota nu Alatala anu nantudu Yaku.

Yohanes 8:29

Ia anu nantudu Yaku, Ia muni nomporoa Yaku. Ledo rapalambaNa Yaku saitoKu, sabana Yaku bate-batena novia anu nompakadamba raraNa.”

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.