Yohanes 4:26 - Kaili Ledo

²⁶ Nanguli i Yesus ka mombine haitu, “Yaku anu notesa ka iko hitu-hitu, Yakumo tona niulimu tutu.”

Yohanes 4:26 Iomraidhean Croise

Matius 16:20

Naupu haitu, niuliNa ka anaguruNa, “Nee ratesamiu ka tona Yaku hii Magau Topepakasalama.”

Matius 20:15

Ledo mamala yaku movia anu nipodotaku ante doiku mboto? Bara nasiriati komiu nanggita yaku movia nabelo ka tona ntanina?’ ”

Lukas 13:30

Pariaramo! Nadea tona naripuri sii-sii, majadi marikolu. Bo nadea tona narikolu sii-sii, majadi maripuri.”

Yohanes 13:19

Dopame majadi anu haitu, Kuuli mami ka komiu ala tempo anu haitu majadi ngena, rasanimiu mpuu isema Yaku.

Yohanes 8:24

Haitu sampe niuliKu ka komiu, komiu mamate bo rapopogaa lako nte Alatala sabana dosamiu. NiuliKumo isema Yaku. Ane ledo raparasayamiu tesaKu haitu, komiu mpuu-mpuu mamate bo rapopogaa lako nte Alatala sabana dosamiu.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.