Yohanes 4:23 - Kaili Ledo

²³ Tapi makava tempona bara maipia, bo kakanana tempo haitu nariamo, tona anu mpuu-mpuu mombasomba Tuamata Alatala kana mombasomba Ia ante petulungi nu Nosa GasaNa nangoseaka pepatuduki nakana. Pesomba ivehaitu nipokono nu Alatala.

Yohanes 4:23 Iomraidhean Croise

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Yohanes 12:23

I Yesus notesa kamateNa ka ira. NiuliNa, “Nakavamo tempona Alatala mompopakita kaoge Ana nu Manusia, haitumo kaogeKu.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Yohanes 16:32

Pariaramo! Kana makava tempona, bo nakavamo tempo haitu, komiu mosimpogaa. Komiu simbo manjili hau ri banuamiu mboto mompalaisi Yaku saitoKu. Tapi Yaku ledo aga saitoKu sabana TuamaKu naria nosanggani-nggani ante Yaku.

Yohanes 4:21

Nesana i Yesus ka ia, “Ina, pariaramo tesaKu hitu. Kana makava tempona tona domo mombasomba Tuamata Alatala ri bulu hitu bo domo muni ri ngata Yerusalem.

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Yohanes 5:28

Nee mokumaa mangepe tesaKu hitu, sabana kana makava tempona pura-pura tomate mangepe suaraKu

Roma 1:9

Nisani nu Alatala yaku nasaro nosambaya ka komiu. Yaku batena ante rara mpuu-mpuu nombatui pokarajaa nidekei nu Alatala ka yaku, haitumo nompatolele Kareba nu AnaNa.

Roma 8:15

Nosa Gasa anu nidekei nu Alatala ka kita, ledo manggeni kita majadi batua sampe kita matuvu ante eka rara. Tapi Nosa Gasa haitu nanganggataka kita majadi ana-ana nu Alatala. Ante pekeniaka Nosa Gasa kita mamala mekakai nte Alatala, <>

Roma 8:26

Nosa Gasa nu Alatala muni nantulungi kita riara kalenteta. Ledo nisanita mpuu nuapa masipato raulita ri posambayata. Tapi Nosa Gasa mboto nomperapi lako nte Alatala ka kita ante pekakai anu neliu lako ri pompakule basa manusia.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.