Yohanes 4:21 - Kaili Ledo

²¹ Nesana i Yesus ka ia, “Ina, pariaramo tesaKu hitu. Kana makava tempona tona domo mombasomba Tuamata Alatala ri bulu hitu bo domo muni ri ngata Yerusalem.

Yohanes 4:21 Iomraidhean Croise

Matius 18:20

Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Lukas 21:24

Sanu ira rapatesi ante guma. Sanu rasaka ratavani nu balira bo rakeni hau ri ngata-ngata ntanina. Bo ngata Yerusalem raparenta ntona ledo toYahudi sampe magana tempona nipakatantu nu Alatala ka ira.”

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Yohanes 16:32

Pariaramo! Kana makava tempona, bo nakavamo tempo haitu, komiu mosimpogaa. Komiu simbo manjili hau ri banuamiu mboto mompalaisi Yaku saitoKu. Tapi Yaku ledo aga saitoKu sabana TuamaKu naria nosanggani-nggani ante Yaku.

Yohanes 4:23

Tapi makava tempona bara maipia, bo kakanana tempo haitu nariamo, tona anu mpuu-mpuu mombasomba Tuamata Alatala kana mombasomba Ia ante petulungi nu Nosa GasaNa nangoseaka pepatuduki nakana. Pesomba ivehaitu nipokono nu Alatala.

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Yohanes 5:28

Nee mokumaa mangepe tesaKu hitu, sabana kana makava tempona pura-pura tomate mangepe suaraKu

Suro-Suro 6:14

Niepe kami ia nanguli i Yesus toNazaret mombagerosi Banua nu Alatala bo mombabaliki pura-pura ada anu nidekei i Musa ka kita.”

Efesus 2:18

Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

Efesus 3:14

Jadi, [ane yaku nantora kanoto nu Alatala bo niaNa lako ri lamba pamulana], yaku nantaputu nosambaya ri ngayo nTuamata Alatala.

1 Timotius 2:8

Dotaku ala ri umba-umba topomparasaya nasiromu mombasomba Alatala, langgai mosambaya ante rara nagasa. Ledo masipato mosambaya ane narau rara atau nosinjanai.

1 Petrus 1:17

Sampesuvu-sampesuvu, komiu nanggasangai Alatala Tuamamiu tempo komiu nosambaya. Jadi komiu kana matuvu mekou nte Ia ane komiu da nonturo mpo topesovo ri dunia hitu. Apa Iamo mombatangara pura-pura tona nangoseaka pokainggura mboto bo Ia ledo nompelenje.

Pompakita 21:22

Ledo ria banua petupu nikitaku riara ngata haitu sabana Alatala toNeliu KakuasaNa, bo Ana Bimba mboto najadi Banua Petupu ri ngata haitu.