Yohanes 4:19 - Kaili Ledo

¹⁹ Bo nesana mombine haitu, “Guru, natantumo Komiu nabi.

Yohanes 4:19 Iomraidhean Croise

Matius 21:11

Nesana todea nantuntuni Ia, “Iamo i Yesus, nabi lako ri ngata Nazaret ri bagia Galilea!”

Lukas 24:19

Nekutana i Yesus, “Nuapa najadi?” Nesana ira, “Anu najadi nte i Yesus, toNazaret! Ia nabi nu Alatala. TesaNa bo poviaNa nakuasa mpuu ri panggita nu Alatala, bo muni ri panggita ntodea.

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Lukas 7:39

Nanggita haitu, nompekirimo i Simon, “Tona hitu ledo nabi. Ane rapana Ia nabi, tantu rasaniNa isema mombine nanggangisi Ia haitu, apa mombine haitu nadosa.”

Yohanes 4:18

Apa alimamo langgai nompoberei iko bo langgai anu naria nte iko sii-sii ledo bereimu. Jadi nakana tesamu.”

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 7:40

Nadea tona nangepe tesa i Yesus haitu bo naria sanu ira nanguli, “Natantumo Ia nabi anu nijanji nu Alatala nggaulu!”

Yohanes 9:17

Jadi nipekutana ntoFarisi vaimo toburo, “Berimba panggavamu, apa matamu nipakabeloNa.” Nesana toburo, “Ia nabi.”