Yohanes 4:16 - Kaili Ledo

¹⁶ Nanguli i Yesus ka ia, “Koi ala ntani bereimu tumai.”

Yohanes 4:16 Iomraidhean Croise

Yohanes 1:42

Bo nikeninamo i Simon hau nte i Yesus. Tempo ira nakava hamai, nikita i Yesusmo i Simon bo niuliNa, “Iko Simon ana i Yohanes. Tapi nompamula sii-sii sangamu i Kefas.” (Kefas nasimbayu batuana ante Petrus, batuana, “vatu”.)

Yohanes 21:17

Bo i Yesus nekutana vai katalu-ngganina, “Simon, ana i Yohanes, nipotovemu mpuumo Yaku?” Nangepe haitu, nasusa mpuumo rara i Petrus, sabana talu-ngganimo i Yesus nompekutana ia. Jadi nesana i Petrus, “Pue, nisaniMiu mpengaya-ngaya. NisaniMiu nipotoveku Komiu.” Nanguli i Yesus, “Ane ivesia, piaramo bimba-bimbaKu.

Yohanes 4:15

Nangepe haitu nanguli mombine, “Ane ivesia, Guru, dekei ka yakumo uve haitu ala domo mabai tamboloku bo domo malenge yaku tumai manambu uve ri sii.”

Yohanes 4:17

Nesana mombine haitu, “Yaku ledo noberei.” Nanguli i Yesus ka ia, “Nakana mpuu niulimu tutu iko ledo noberei.

Yohanes 4:18

Apa alimamo langgai nompoberei iko bo langgai anu naria nte iko sii-sii ledo bereimu. Jadi nakana tesamu.”

Ibrani 4:13

Nau aga sangaya anu nipajadi nu Alatala, ledo ria sangua ledo nikitaNa. Pura-pura nalanto nikitaNa. Bo kita kana mompangaku pura-pura pokaingguta ka Ia bara maipia.

Pompakita 2:23

Bo ana-anana Kupatesi sampe malanto ka pura-pura topomparasaya, Yakumo anu nomparesa pekiri bo rara ntai manusia, bo Yakumo anu mombabalasi komiu saito-saito nangoseaka pokainggumiu.