Biblia Todo Logo
Bìoball air-loidhne

- Sanasan -




Yohanes 4:14 - Kaili Ledo

14 Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Faic an caibideil Dèan lethbhreac




Yohanes 4:14
32 Iomraidhean Croise  

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”


Nabelo mpuumo tona naino rarana matuvu manoa ri panggita nu Alatala, sabana Alatala mbotomo mompopapakule ia matuvu manoa.


Ane topangangga, ia aga tumai mangangga, mepatesi, bo mompakagero. Tapi Yaku hii nakava ala manusia manggava katuvua mabelo bo katuvua haitu ledo ria kakurana.”


Bo isema-sema natuvu nabelo bo nomparasaya Yaku, ledo mamate bo rapopogaa lako nte Alatala sampe ri kasae-saena. Niparasayamu anu niuliKu hitu?”


Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”


Naupu haitu nanguli vaimo mombine haitu, “Berimbamo? I Yakub totua kami nggaulu, nokae buvu hitu. Bo kami nikabolina. Ia mboto nanginu uve lako ri buvu hitu bo ivesia muni ana-anana bo binata-binata nipiarana. Naogepa Komiu pade i Yakub? Ledo ria posibuMiu raposibu uve, bo buvu nandala mpuu. Lako ri umba rapangalaMiu uve anu mombadekei katuvua mabelo nitesaMiu tutu?”


Nesana i Yesus, “Isema-sema manginu uve lako ri buvu hitu da mabaipa tambolona.


Topokato nompamulamo nantarima tambora apa nipasiromura asele anu manggeni katuvua nabelo sampe ri kasae-saena. Jadi topotuda bo topokato madamba-damba mpasanggani. Asele nipasiromura, batuana manusia anu manggava katuvua mabelo sampe ri kasae-saena.


Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”


Nanguli i Yesus ka ira, “Yakumo hii kandea anu nombadekei katuvua haitu. Isema-sema makava nte Yaku, domo maara, bo isema-sema momparasaya Yaku, domo mabai tambolona sampe ri kasae-saena.


Yakumo hii kandea anu nanau lako ri suruga. Kandea hitu ledo eva ‘manna’ nikande ntotuamiu nggaulu. Naupa ira nangande ‘manna’ haitu, namatemo ira. Tapi isema-sema mangande kandea hitu matuvu mabelo sampe ri kasae-saena.”


Ri eo kaupuna, eo matana posusa haitu, i Yesus neangga ri doyata Banua nu Alatala bo notesa ante suara namangga, “Isema-sema nabai tambolona, kamaimo nte Yaku bo manginu.


Bara ipia dosa nakuasa riara nggatuvu manusia sampe pura-pura manusia kana mamate bo rapopogaa lako nte Alatala. Tapi sii-sii, pepotove nu Alatala nakuasa riara nggatuvuta. Apa lako ri pepotoveNa haitu, Alatala nombareke kita nanoa ri panggitaNa bo nidekeiNa ka kita katuvua nabelo sampe ri kasae-saena. Haitu pura nipoviaNa sabana Tuputa i Yesus Kristus.


Isema-sema novia dosa manggava tambo, bo tambo haitu kamatea anu mompopogaa ia lako nte Alatala. Tapi pedekei bayangi lako nte Alatala ka kita, haitumo kita matuvu mabelo sampe ri kasae-saena. Kita nanggava pedekei bayangi sabana kita nosangu rara ante Tuputa i Yesus Kristus.


bo nidekeiNa Nosa GasaNa riara ntaita, tandana kita todeaNa. Nosa GasaNa haitu panggangisita ala rasanita janji nu Alatala ka kita mpuu-mpuu rapakadupaNa.


Jadi, nee rapoviamiu anu mompakabuku rara Nosa Gasa nu Alatala. Toramo! Alatala nombadekei Nosa Gasa ka kita, tandana kita najadi todeaNa. Bo Nosa GasaNa haitu muni najadi panggingisita ala rasanita kita mpuu-mpuu rakabasaka lako ri dunia nadaa hitu ngena.


Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.


Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.


Ira gahaitu domo mombarasai ara ntai bara bai ntambolo. Bo ira domo muni rapapusi mata nu eo bara mombarasai eo mpane.


Sabana, Ana Bimba anu naria ri sinjori Gadera Kamagaua nu Alatala haitu nompoevu ira. Ia nombanini ira hau ri mata uve anu nombadekei katuvua nabelo. Bo Alatala mboto nompaisi pura-pura uve mata lako ri matara mombaondopi ira.”


Lean sinn:

Sanasan


Sanasan