Yohanes 4:10 - Kaili Ledo

¹⁰ Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”

Yohanes 4:10 Iomraidhean Croise

Lukas 11:13

Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

Yohanes 16:3

Rapoviara ivesia ka komiu sabana ira ledo nosisani ante TuamaKu bo ledo muni nosisani nte Yaku.

Yohanes 17:3

Iveimo sampe manusia matuvu mabelo sampe ri kasae-saena: ira mosisani nte Komiu, Alatala aga saito-itoMiu nakana, bo ira mosisani muni ante Yaku, i Yesus Kristus, anu nituduMiu.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 6:35

Nanguli i Yesus ka ira, “Yakumo hii kandea anu nombadekei katuvua haitu. Isema-sema makava nte Yaku, domo maara, bo isema-sema momparasaya Yaku, domo mabai tambolona sampe ri kasae-saena.

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Suro-Suro 9:11

I Pue nanguli, “Koimo hau ri dala nosanga Dala Noa. Elomo ri sia saito tona lako ri ngata Tarsus nosanga i Saulus. Hitu-hitu ia nosambaya.

Roma 8:32

Ledo natove raraNa nte AnaNa mboto, nidekeiNa rapatesi mantolo dosata. Sabana haitu, nisanita kana radekeiNa muni ka kita mpengaya-ngaya anu niparaluuta ante joi raraNa.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

2 Korintus 9:15

Masipato mpuu kita motarima kasi nte Alatala, sabana pedekeiNa nelabi mpuu kabelona. Ledo rapakuleta mombasovadaka kabelo nu pedekeiNa haitu ka kita!

Efesus 2:8

Lako ri pomparasayamiu i Kristus, komiu nipakasalama sabana kabelo rara nu Alatala. Haitu ledo asele pompasimbukumiu mboto tapi pedekei nu Alatala bayangi.

Ibrani 6:4

Sampesuvu-sampesuvu, toramo! Ledo ria dala manggeni tona majea mpanjili ane ratunggaira mombakabasaka pomparasayara. Apa bara ipia ira natuvu riara reme nu Alatala. Nitarimaramo belo lako ri suruga, bo nitarimara munimo Nosa Gasa nu Alatala.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Pompakita 21:6

Bo niuliNa ka yaku, “Naupu puramo! Yakumo hii Pamulana bo Kaupuna. Yaku nompamula bo Yaku muni nompakaupu. Isema-sema nabai tambolona Kudekeika uve lako ri mata nu uve anu nombadekei katuvua nabelo sampe ri kasae-saena. Uve haitu Kudekei bayangi, ledo paraluu rabayari.

Pompakita 22:17

Nosa Gasa bo boti mombine anu nasadia rapoberei nu Ana Bimba haitu nanguli, “Kamaimo!” Bo pura-pura tona nangepe tesa hitu kana manguli, “Kamaimo!” Isema-sema nabai tambolona, kamaimo! Isema-sema madota, kamaimo manginu uve anu nombadekei katuvua. Uve haitu nidekei bayangi, ledo paraluu raali.

Pompakita 7:17

Sabana, Ana Bimba anu naria ri sinjori Gadera Kamagaua nu Alatala haitu nompoevu ira. Ia nombanini ira hau ri mata uve anu nombadekei katuvua nabelo. Bo Alatala mboto nompaisi pura-pura uve mata lako ri matara mombaondopi ira.”