Yohanes 3:8 - Kaili Ledo

⁸ Poiri neburu hau ri umba nipodotana. Kita nangepe vuuna tapi ledo nisanita lako ri umba kakavana bo hau ri umba rakalauna. Ivesia muni kuasa Nosa Gasa nu Alatala nompoanaka tona mpanjili.”

Yohanes 3:8 Iomraidhean Croise

Yohanes 1:13

Ira najadi ana-ana nu Alatala ledo sabana nipoanaka ntotuara, atau lako ri dota manusia bara dota ntuamara. Tapi sabana Alatala mboto nompajadi ira anaNa.

Yohanes 3:7

Jadi nee mahera ane Kuuli ka komiu, komiu kana rapoanaka mpanjili.

Yohanes 3:9

Bo nekutana vaimo i Nikodemus, “Berimba sampe haitu mamala majadi?”

Suro-Suro 2:2

Sampesanika niepera moni lako ri langi eva vuu mpoiri narimboso. Moni haitu niepe ri umba-umba riara banua nikasiromura haitu.

Suro-Suro 4:31

Naupu ira nosambaya, banua nikasiromura haitu nogoya. Ira pura-pura nikuasai nu Nosa Gasa nu Alatala, bo nipatolelera tesa nu Alatala bo domo ntoto naeka rarara.

1 Korintus 12:11

Pura-pura haitu nipovia nu Nosa Gasa sangu haitu. Ia nobagi pompakule-pompakule simbo ntanina, nangoseaka dota nu Nosa Gasa mboto.

1 Korintus 2:11

Anu nangisani pekiri manusia saito, aga tona haitu mboto. Ivesia muni anu nangisani pekiri nu Alatala aga Nosa GasaNa mboto.

1 Yohanes 2:29

Nisanimiumo i Kristus batena nangoseaka dota nu Alatala. Sabana haitu kana rasanimiu muni, isema-sema nangoseaka dota nu Alatala, iamo ana nu Alatala.