Yohanes 3:7 - Kaili Ledo

⁷ Jadi nee mahera ane Kuuli ka komiu, komiu kana rapoanaka mpanjili.

Yohanes 3:7 Iomraidhean Croise

Yohanes 3:12

NitesaKu anu najadi ri dunia hitu, ledo niparasayamiu. Berimbamo raparasayamiu ane Kutesa ka komiu anu najadi ri suruga?

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:6

Karota najadi lako ri manusia, tapi katuvu nabaru najadi lako ri kuasa Nosa Gasa nu Alatala.

Yohanes 3:8

Poiri neburu hau ri umba nipodotana. Kita nangepe vuuna tapi ledo nisanita lako ri umba kakavana bo hau ri umba rakalauna. Ivesia muni kuasa Nosa Gasa nu Alatala nompoanaka tona mpanjili.”

Yohanes 5:28

Nee mokumaa mangepe tesaKu hitu, sabana kana makava tempona pura-pura tomate mangepe suaraKu

Kolose 1:12

Kami nerapi ala raramiu batena madamba manguli tarima kasi ka Tuamata Alatala, apa Iamo nompakasipato komiu manggava bagia lako ri anu nipakasadiaNa ka pura-pura todeaNa riara PoparentaNa nareme.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

Pompakita 21:27

Tapi anu naruto bo tona novia nadaa bo topodava ledo ntoto mamala mesua riara ngata haitu. Tona mamala mesua hamai aga tona nitulisi sangana riara Buku Katuvua nu Ana Bimba.