Yohanes 3:4 - Kaili Ledo

⁴ Nekutana i Nikodemus nte Ia, “Mamala tona natuamo rapoanaka mpanjili? Mamala ia mesua vai riara ntai ntinana bo rapoanaka mpanjili?”

Yohanes 3:4 Iomraidhean Croise

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:5

Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

Yohanes 6:53

Bo nanguli i Yesus ka ira, “Pariaramo tesaKu hitu, ane komiu ledo mangande isi karoKu, Ana nu Manusia, bo ledo manginu raaKu, komiu ledo ntoto matuvu mabelo.

Yohanes 6:60

Naupu nangepe tesa i Yesus haitu, nadeamo topangoseaka Ia nanguli, “Hu! Nakaja gaga pepatuduki hitu! Isema mompakule mangoseaka tesa eva haitu?”

1 Korintus 1:18

Kami nompatolele kareba kamate i Kristus ri kayu salib nombasompo dosa manusia. Ane tona damo kapesuana ri narakaa nangepe kareba haitu, niulira tesa ntodoyo, ledo ria batuana. Tapi kita anu nipakasalama, nisanita kamate i Kristus nompopakita kuasa nu Alatala mboto!

1 Korintus 2:14

Tona nangoseaka dotana mboto bo ledo naria Nosa Gasa nu Alatala nte ia, ledo nitarimana pepatuduki lako nte Nosa Gasa sabana nirekena pepatuduki haitu aga tesa ntodoyo. Ledo nipakulena mombapaha batuana sabana pepatuduki haitu aga namala rapaha ntona ante pekeniaka Nosa Gasa.