Yohanes 3:21 - Kaili Ledo

²¹ Tapi isema-sema nangoseaka Alatala anu nakana, ia manggaparai reme haitu ala pokaingguna malanto rakita nangoseaka dota nu Alatala.”

Yohanes 3:21 Iomraidhean Croise

Yohanes 1:47

Tempo i Yesus nanggita i Natanael nakava nte Ia, niulikaNa, “Peintamo! Hitumo saito toIsrael mpuu! Ledo ntoto naria katenggona.”

Yohanes 3:20

Isema-sema novia nadaa ledo ntoto nipokonora reme. Ira ledo ntoto madota manggaparai reme haitu ala pokainggura nadaa haitu ledo rakita.

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

Galatia 6:8

Batuana, ane tona batena natuvu nangoseaka dota rarana nadaa, aselena, ia mamate bo rapopogaa lako nte Alatala. Tapi ane tona natuvu nangoseaka dota Nosa Gasa nu Alatala, rakavana katuvua nabelo sampe ri kasae-saena anu radekei nu Nosa Gasa.

Efesus 5:9

Apa inggu ntona anu natuvu ri karemena nabelo bo nanoa bo ia namala raparasaya.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

1 Yohanes 1:6

Ane raulita kita nosangu rara ante Alatala, tano mai kita aga natuvu ri kalandana, kita nodava, bo kita ledo natuvu nangoseaka dota nu Alatala.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.

Pompakita 3:15

NisaniKumo pura-pura pokainggumiu. Komiu ledo baliKu bo ledo muni topangoseaka Yaku. Aginamo komiu nompoara atau nompoiyo.