Yohanes 3:13 - Kaili Ledo

¹³ Dopa ria saitoa tona neore hau ri suruga nanggita anu najadi hamai. Aga Yaku, Ana nu Manusia anu nanau lako ri suruga tumai ri dunia nanggitana.

Yohanes 3:13 Iomraidhean Croise

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 17:5

Tata, hitupa dekeimo kuasa bo kaoge ka Yaku ri situ nte Komiu, haitumo kuasa bo kaoge anu naria nte Yaku tempo Yaku nosanggani-nggani nte Komiu dopame dunia nipajadi.”

Yohanes 3:12

NitesaKu anu najadi ri dunia hitu, ledo niparasayamiu. Berimbamo raparasayamiu ane Kutesa ka komiu anu najadi ri suruga?

Yohanes 3:31

I Yesus anu nanau lako ri suruga naogepa pade pura-pura manusia. Manusia biasa lako ri dunia hitu, aga nombatesa anu najadi ri dunia hitu. Tapi Ia anu nanau lako ri suruga naogepa pade pura-pura manusia.

Yohanes 6:33

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Yohanes 6:38

Apa Yaku nanau lako ri suruga, ledo movia dotaKu mboto, tapi movia anu nipodota nu Alatala anu nantudu Yaku.

Yohanes 6:42

Nosimpotesamo ira, “Bai! Ledo Ia hitu i Yesus ana i Yusuf? Nisanita pura tina tuamaNa. Berimba sampe niuliNa Ia nanau lako ri suruga?”

Yohanes 6:46

Nee rasarumakamiu nariamo tona anu nanggita TuamaKu. Yaku anu nakava lako nte Alatala, aga Yaku saitoKu nanggita Ia.

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Yohanes 6:62

Natantu nau rakitamiu Yaku, Ana nu Manusia meore mpanjili hau ri ponturoKu pamulana, dopa muni raparasayamiu.

Yohanes 8:42

Nanguli i Yesus ka ira, “Ane Alatala tuamamiu, tantu rapotovemiu Yaku, sabana Yaku nopuna lako nte Ia. Yaku nakava ledo nangoseaka dotaKu mboto, tapi nangoseaka dota nu Alatala anu nantudu Yaku.

Suro-Suro 2:34

Jadi patuju nu tesa Magau Daud pangane, ledo nanguli karona mboto, sabana natantu ledo i Daud natuvu mpanjili bo neore hau ri suruga. Tapi i Daud nanguli ivei: ‘Tupu nanguli ka Pueku: Ponturomo ri sabingga ngganaKu

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Roma 10:6

Tapi tona najadi nanoa ri panggita nu Alatala sabana pomparasayana, ledo paraluu mompekutana ivei: <>

1 Korintus 15:47

Manusia paratama haitu nipajadi lako ri tana bo nonturo ri dunia hitu. Tapi i Kristus, anu nireke i Adam karanduana, nopuna lako ri suruga.

Efesus 1:23

bo kita todea topomparasaya nirapaka karoNa. Todea topomparasaya nipakagana i Kristus anu nompakagana pura-pura nuapa naria, ri umba-umba ri dunia bo ri suruga.