Yohanes 3:11 - Kaili Ledo

¹¹ Pariaramo tesaKu hitu. Kami hii notesa anu nisani kami, bo kami nanguli anu nikita kami mboto, tapi komiu pura-pura ledo nadota momparasaya tesa kami.

Yohanes 3:11 Iomraidhean Croise

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Matius 23:37

“Heh, komiu toYerusalem! Komiu nompatesi nabi-nabi bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Lukas 10:22

Pade nanguli i Yesus ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani nte Yaku Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu, aga Yaku, AnaNa mboto bo isema-sema Kupodota, Kupopaisanika TuamaKu ka ia.”

Yohanes 1:11

Ia nakava ri ngataNa mboto, tapi tona ri ngataNa haitu ledo nadota nantarima Ia.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 12:49

apa Yaku ledo notesa nangoseaka dotaKu mboto. Yaku aga nanguli anu niparenta nTuamaku ka Yaku, sabana Iamo nantudu Yaku makava ri dunia.

Yohanes 14:24

Tapi tona ledo nompotove Yaku, ledo nioseakana tesaKu. Tesa niepemiu hitu ledo lako nte Yaku mboto, tapi lako nte TuamaKu anu nantudu Yaku.

Yohanes 3:12

NitesaKu anu najadi ri dunia hitu, ledo niparasayamiu. Berimbamo raparasayamiu ane Kutesa ka komiu anu najadi ri suruga?

Yohanes 3:13

Dopa ria saitoa tona neore hau ri suruga nanggita anu najadi hamai. Aga Yaku, Ana nu Manusia anu nanau lako ri suruga tumai ri dunia nanggitana.

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:5

Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

Yohanes 5:43

Yaku nakava nte komiu ante kuasa nTuamaKu tapi komiu ledo nadota nantarima Yaku. Ane tona ntanina nakava nte komiu ante kuasana mboto, tona haitumo nitarimamiu.

Yohanes 7:16

Nesana i Yesus ka ira, “PepatudukiKu ledo lako ri pangisaniKu mboto, tapi lako nte Alatala anu nantudu Yaku.

Yohanes 8:14

Nesana i Yesus, “Nau karoKu mboto nitesaKu, nakana tesaKu sabana nisaniKu lako ri umba kakavaKu bo hau ri umba Kukalau. Tapi ledo nisanimiu lako ri umba kakavaKu bo hau ri umba Kukalau.

Yohanes 8:26

Da nadeapa mamala Kuuli mompakasala komiu, tapi ledo Kuuli. Aga anu niepeKu lako nte Ia anu nantudu Yaku, haitumo Kutesa ka manusia ri dunia. Bo Ia namala raparasaya.”

Yohanes 8:38

Anu nikitaKu nte TuamaKu, haitumo nitesaKu ka komiu. Tapi komiu aga novia anu nipatuduki ntuamamiu ka komiu.”

Suro-Suro 22:18

Nikitaku i Yesus bo niulikaNa yaku, ‘Palaisimo ngata Yerusalem masalisa, apa ledo ratarimara posabimu nombatesaki Yaku.’

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Pompakita 3:14

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Laodikia ivei: “Hitumo tesa lako nte Yaku anu nipoposanga ‘Amin’, haitumo sabi natutu notesa anu nakana. Yakumo Tupu nu pura-pura anu nipajadi nu Alatala.