Yohanes 21:7 - Kaili Ledo

⁷ Anaguru anu nipotove i Yesus nanguli ka i Petrus, “I Pue, tano!” Niepe i Petrus tesa haitu, nipasuana mpanjili bajuna, sabana ia ledo nobaju pangane. Bo nekavantumo ia hau riara rano norabu hau ri kabatana.

Yohanes 21:7 Iomraidhean Croise

Markus 11:3

Bo ane maria tona mompekutana nuapa sabana nivolekamiu keledai tutu, uli ka ia, >>

Lukas 12:35

I Yesus notesa sangu porapa ivei: “Komiu kana masadia tempo Yaku makava. Komiu kana mainga nasimbayu mpo batua-batua nompopea kakava nu madikara lako ri posusa ponika. Batua haitu bate-batena masadia bo poindora ledo rapepayara. Ane makava madikara mombatanede vamba, masalisa vamba haitu raungge ka ia.

Lukas 2:11

Bongina hitu ri ngata pompoanaka Magau Daud, nipoanakamo saito magau mompakasalama komiu. Iamo i Pue, anu nipelisi nu Alatala.

Lukas 7:47

Jadi Kuuli ka iko, Simon, dosana nadea haitu niampungi nu Alatalamo, sabana nambaso mpuu pepotovena. Tapi ane tona aga sakide dosana niampungi, aga sakide muni pepotovena.”

Yohanes 13:23

Saito anaguruNa anu nipotoveNa nonturo ri sinjoriNa.

Yohanes 19:26

I Yesus nanggita tinaNa neangga hamai ri sinjori anaguru nipotoveNa, niuliNamo ka tinaNa, “Ina, reke anamumo ia.”

Yohanes 20:2

Jadi nangovamo ia hau nte i Simon Petrus bo anaguru nipotove i Yesus, bo niulina, “Niala ntonamo karobata i Yesus lako riara nu dayo, bo ledo nisani kami bara ri umba nipombolira!”

Yohanes 20:20

Naupu i Yesus nombatabe ira ivesia, nipopakitaNamo paleNa bo usuNa ka ira. Nadamba mpuumo rarara nanggita i Yesus.

Yohanes 20:28

Nanguli i Tomas ka i Yesus, “Tupuku! Alatala nisombaku!”

Yohanes 21:20

Naupu haitu neilimo i Petrus bo nikanotona anaguru anu nipotove i Yesus. Anaguru haitumo anu nonturo ri sinjori i Yesus tempo ira nangande bongina, anu nekutana, “Isema mompobalu Komiu, Pue?”

Yohanes 21:24

I Yohanes hii anaguru nitesa ri bavona, iamo nanggita bo notesaki kajadia haitu. Bo ia muni notulisi kajadia haitu riara buku hitu. Bo nisanita anu nitesana haitu mpuu-mpuu nakana.

Yohanes 21:8

Ana-anaguru i Yesus ntanina haitu netuntuni nte sakaya hau ri kabatana bo nombataja jala naponu ante bau, sabana domo nakavao lako ri kabatana, nitasere saatu metere kakavaona.

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

1 Korintus 15:47

Manusia paratama haitu nipajadi lako ri tana bo nonturo ri dunia hitu. Tapi i Kristus, anu nireke i Adam karanduana, nopuna lako ri suruga.

2 Korintus 5:14

Tove i Kristus nombakuasai kami sampe kami nokainggu ivesia. Apa niparasaya kami, saito tona namate nanjambei kita pura-pura, jadi nasimbayu mpo kita pura-pura namate.

Yakobus 2:1

Sampesuvu-sampesuvuku, komiu nomparasaya i Yesus Kristus, Tuputa nakuasa, jadi nee aga mompelenje.