Yohanes 21:5 - Kaili Ledo

⁵ I Yesus nompongare anaguruNa riara sakaya, “Berimbamo, le? Naria bau nikavamiu?” Nesana ira, “Ledo ntoto naria.”

Yohanes 21:5 Iomraidhean Croise

Matius 14:15

Nanggoviamo, domo masae mabongimo, anaguru i Yesus nanggaparai Ia bo nanguli, “Guru, mabongimo, bo ponturo hitu nakalinoa. Agina ratuduMiu todea haitu hau ri ngata-ngata napara ri sii ala ira mamala mangali kandea.”

Markus 8:7

Naria muni bau kodi bara sako-mbaa nte ira. Bo naupu i Yesus nosambaya nanguli tarima kasi, nituduNamo anaguruNa mombabagi bau haitu muni ka todea.

Filipi 4:19

Alatala nisombaku mompakagana ka komiu pura-pura anu niparaluumiu lako ri kakalumanaNa anu naoge mpuu, sabana anu nipovia i Yesus Kristus.

Ibrani 13:5

Nee mompotove doi gaga sampe komiu aga natuvu mangelo doi. Tapi kana maosa raramiu ante anu naria nte komiu. Apa Alatala mboto nanguli ivei: “Ledo ntoto Kupalaisi iko.”

1 Yohanes 2:13

Yaku notulisi hitu ka komiu, totua-totua, sabana komiu nosisanimo ante i Yesus anu naria mamimo lako ri lamba pamulana. Yaku notulisi hitu ka komiu, kabilasa bo randaa anu nangoseaka i Yesus, sabana nidagimiumo Magau nu Seta.

1 Yohanes 2:18

Sampesuvu-sampesuvu nipotoveku, naparamo kaupu dunia. Niepemiumo bara ipia, kana meonga saito anu niuli Bali i Kristus. Bo sii-sii nadeamo tona neumba nobali ka i Kristus. Haitu tandana naparamo kaupu dunia.