Yohanes 21:2 - Kaili Ledo

² Bara sako-ndua anaguru i Yesus nasiromu ri sia, haitumo i Simon Petrus, i Tomas anu nidae “Ngana Rapi”, i Natanael lako ri ngata Kana ri bagia Galilea, bo randua ana i Zebedeus, bo randua anaguruNa ntanina.

Yohanes 21:2 Iomraidhean Croise

Markus 1:19

Napolamo i Yesus sakidepa, bo nikitaNa i Yakobus, ana i Zebedeus, ante tueina i Yohanes riara sakayara nompakabelo jalara.

Lukas 5:10

Ivesia muni roa i Simon, haitumo i Yakobus bo i Yohanes, ana i Zebedeus. Nanguli i Yesus ka i Simon, “Nee maeka. Komiu topebau mami, tapi nompamula sii-sii komiu mompaelo tona bo mompatuduki ira mangoseaka Yaku.”

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Yohanes 11:16

Bo i Tomas anu nidae “Ngana Rapi” nanguli ka roa-roana anaguru i Yesus, “Anumo, kita mangoseaka Ia ala kita muni mamate mosanggani-nggani ante Ia.”

Yohanes 2:1

Rombongi kaliuna kajadia haitu, naria posusa ponika ri ngata Kana ri bagia Galilea. Tina Yesus naria hamai.

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 20:28

Nanguli i Tomas ka i Yesus, “Tupuku! Alatala nisombaku!”

Yohanes 4:46

Bo hau vaimo Ia ri ngata Kana ri bagia Galilea, ngata nipompajadiNa uve najadi uve anggur bara ipia. Ri ngata Kapernaum naria saito tomaoge anu nokarajaa ri banua magau, anana langgai nadua ntamo.