Yohanes 21:12 - Kaili Ledo

¹² Bo niuli i Yesus vaimo ka anaguruNa, “Kamaimo kita mangande.” Ledo ntoto naria tona nabia nekutana nte i Yesus, “Isema Komiu?” Sabana nisanira puramo Ia haitu i Pue.

Yohanes 21:12 Iomraidhean Croise

Matius 22:46

Ledo ria saitoa tona namala nompesanaka i Yesus. Bo nompamula lako ri eo haitu, domo naria tona nabia nombaopa tesaNa.

Markus 9:32

Tapi ledo nisanira batua ntesaNa haitu, bo naeka rarara mompekutana batuana nte Ia.

Lukas 9:45

Tapi ledo nisani nu anaguruNa batua ntesaNa. Batua nu tesa haitu nitabuniaka ala ledo rapahara. Bo ledo muni nabia ira nompekutana nuapa batua ntesaNa.

Yohanes 16:19

Nisani i Yesus ira madota mompekutana Ia. Jadi niulikaNa ira ivei: “NikitaKu komiu nosipekutana nuapa patuju ntesaKu pangane tempo niuliKu ‘Sampalaipa domo rapeintamiu Yaku bo ledo masae kaliuna haitu, rapeintamiu vaimo Yaku’.

Yohanes 21:11

Jadi i Simon Petrus nesavi riara sakaya bo nitajana jala haitu sampe ri kabatana. Jala haitu naponu ante bau mbaso, kadeana pura-pura saatu limapulu bo talu-mbaa. Tapi naupa ivesia kadeana, ledo nabite jala haitu.

Yohanes 21:15

Naupu ira nangande, i Yesus nompekutana i Simon Petrus, “Simon, ana i Yohanes, nambasopa tovemu ka Yaku pade tove nu roa-roamu haitu?” Nesana i Petrus, “Iyo, nisaniMiu mboto, Pue, nipotoveku Komiu.” Nanguli Yesus ka ia, “Ane ivesia, piaramo ana-ana bimbaKu.”

Yohanes 4:27

Da ranja mpotesa ira, nakavamo ana-anaguru i Yesus lako riara ngata. Natekaja ira nanggita i Yesus notesa nte mombine haitu. Tapi ledo ria saitoa nabia nompekutana mombine haitu, “Nuapa paraluumu?” Ledo muni nabia ira nompekutana i Yesus, “Nuapa sabana Komiu notesa nte mombine haitu?”

Suro-Suro 10:41

Tapi ledo pura-pura tona nanggita Ia, aga kami nipelisi nu Alatala nokolu majadi sabi-sabiNa. Naliu i Yesus natuvu mpanjili, kami nangande bo nanginu nosanggani-nggani nte Ia.