Yohanes 20:9 - Kaili Ledo

⁹ Sampe eo haitu dopa muni nisanira patuju ntesa nitulisi riara Buku Gasa nggaulu anu nanguli i Yesus kana matuvu mpanjili lako ri kamateNa.

Yohanes 20:9 Iomraidhean Croise

Matius 22:29

Nesana i Yesus, “Nasala mpuu komiu sabana ledo nisanimiu isi Buku Gasa, bo ledo muni nisanimiu kuasa nu Alatala.

Lukas 24:26

Magau Topepakasalama mombarasai peparajea ntani ruru dopame rapakaoge.”

Lukas 9:45

Tapi ledo nisani nu anaguruNa batua ntesaNa. Batua nu tesa haitu nitabuniaka ala ledo rapahara. Bo ledo muni nabia ira nompekutana nuapa batua ntesaNa.

Yohanes 2:22

Naliu i Yesus natuvu mpanjili lako ri kamateNa, nitora nu anaguruNamo tesaNa hitu. Bo niparasayaramo anu nitulisi riara Buku Gasa bo anu nitesa i Yesus mboto.

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 2:24

Komiu nompatesi i Yesus, tapi Alatala nompakatuvu mpanjili Ia lako ri kamateNa. NikabasakaNa Ia lako ri kuasa kamatea, sabana Ia ledo ntoto namala rataamaka ri ponturo ntona namate.

1 Korintus 15:4

Ia nitana ri dayo, bo ri eo katataluna nipakatuvu mpanjili bo haitu muni najadi nangoseaka anu nitulisi riara Buku Gasa.