6 Pade nakavamo i Simon Petrus ri purina. Ia kaliu-liu nesua riara dayo haitu. Nikitana kae gandisi niposompu i Yesus hamai.
Nesuapa i Petrus, nangulimo mombine nojaga bobaa haitu, “Apa ledo iko muni saito anaguruNa tano?” Nesana i Petrus, “Ledo!”
Nakava ri dayo, notunggamo ia nompeinta riara dayo. Nikitana kae gandisi niposompu i Yesus hamai. Tapi ia ledo nesua riara dayo haitu.
Bo nikitana muni kae nipompou balengga i Yesus. Tapi kae haitu ledo nipasanggani ante kae gandisi, aga nitika pakabelo niboli santanina.
Anaguru anu nipotove i Yesus nanguli ka i Petrus, “I Pue, tano!” Niepe i Petrus tesa haitu, nipasuana mpanjili bajuna, sabana ia ledo nobaju pangane. Bo nekavantumo ia hau riara rano norabu hau ri kabatana.