Yohanes 20:1 - Kaili Ledo

¹ Ri eo Aka mpadondo mpisina da naruyo, i Maria Magdalena hau ri dayo i Yesusmo. Nakava ri dayo, nikitana vatu nipotutui dayo haitu nateduliakamo lako ri vamba nu dayo.

Yohanes 20:1 Iomraidhean Croise

Matius 27:56

Saito nosanga i Maria Magdalena. Saitopa nosanga i Maria, tina i Yakobus bo i Yusuf. Saitopa berei i Zebedeus.

Matius 27:60

bo nidikana riara dayo nipoviana ka karona mboto anu dako nipaa ri vatu nobunti. Naupu haitu nidulina vatu mbaso mombaupi vamba dayo haitu, bo nalaimo ia.

Matius 27:64

Jadi haitu sampe kami merapi ala komiu mombatudu tantara-tantara hau mombajaga dayoNa ria sampe eo katataluna ala ledo maria loga anaguruNa hau mangala karobataNa bo manguli ka todea, ‘Natuvu mpanjili Ia!’ Ane majadi ivesia, pebagiu kaupuna madaapa pade pebagiuNa pamulana.”

Matius 27:66

Jadi hau ira nombamere vatu poupi dayo ala ledo rabuka ntona. Bo nitudura tantara-tantara mombajagai dayo ala ledo maria tona mombabuka dayo haitu.

Matius 28:1

Naliu eo penonto, dopame nebonda eo, ri eo Aka hau i Maria Magdalena bo i Maria ntanina manggita dayo i Yesus.

Matius 28:2

Sampesani naria lingu mbaso sabana malaeka nTupu nanau lako ri suruga nombaduliaka vatu poupi dayo. Naupu haitu nonturomo ia ri bavona.

Markus 15:46

Jadi niali i Yusufmo kae gandisi nalusu raposompu, bo nitaurakana karobata i Yesus lako ri kayu salib pade nisompuna ante kae nialina haitu. Bo nidikana karobata i Yesus haitu ri bolo vatu anu nipaa rapodayo. Naupu haitu niduliakanamo sangu vatu mbaso rapombatutui vamba dayo haitu.

Markus 16:9

[Eo Aka mpadondona, naliu i Yesus natuvu mpanjili lako ri kamateNa, nipopakitaNamo karoNa ka i Maria Magdalena. I Maria haitumo mombine anu nikabasaka i Yesus lako ri kuasa nu seta papitu bara ipia.

Yohanes 11:38

I Yesus nanggaparai dayo i Lazarus ante susa raraNa. Dayo haitu bolo vatu ri kente nu bulu, vambana niupi ante vatu mbaso.

Yohanes 11:41

Naupu sia, nilelakaramo vatu mbaso nipombatutui dayo haitu. Pade nitingoa i Yesusmo langi bo nosambaya, “Tata, Yaku nosukuru sabana posambayaKu hitu niepeMiumo.

Yohanes 19:25

Tina i Yesus nosanggani-nggani ante sampesuvuna mombine neangga napara kayu salib. Naria muni i Maria berei i Klopas bo i Maria Magdalena.

Yohanes 20:26

Naliu valu-mbongi, nasiromu vaimo ana-anaguru i Yesus riara nu banua haitu, bo i Tomas naria muni nosanggani-nggani ante roana ri sia. Vamba nigunji puramo tapi sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Suro-Suro 20:7

Bongi Aka, kami nasiromu nangande nosanggani-nggani ante topomparasaya ri ngata Troas. I Paulus notesa sampe tanga bongi, apa patujuna maile mpadondona mompapola polipana.

1 Korintus 16:2

Haitumo, ri eo-eo Aka saito-saito komiu simbo kana mompatani sabagia lako ri doi panggavamiu nangoseaka kadea nu asele nikavamiu. Bo doi haitu kana rabolimiu sampe yaku tou nte komiu. Nee damo makava yaku ri situ pade rapasiromumiu doi haitu.

Pompakita 1:10

Ri eo petupu yaku nikuasai Nosa Gasa nu Alatala, bo niepeku suara lako ri puriku namangga mpo moni ntabue.