Yohanes 2:4 - Kaili Ledo

⁴ Nanguli i Yesus ka tinaNa, “Ina, nakuya niulimiu ka Yaku? Dopa nakava tempona Yaku mompopakita kuasaKu.”

Yohanes 2:4 Iomraidhean Croise

Matius 15:28

Naupu haitu nanguli i Yesus, “Ina, naroso mpuu pomparasayamu! Jadi, kajadimo anu niperapimu tutu!” Bo eva nisuka, tempo haitu muni nabelo mpanjilimo anana mombine haitu.

Matius 8:29

Nongare-ngaremo ira nanguli, “He, Ana nu Alatala! Nakuya tano Komiu tumai? RakuyaMiu kami? RapandasaMiumo kami nau dopa tempona?”

Lukas 2:49

Nesana Ia, “Nakuya nielokamiu Yaku? Ledo nisanimiu Yaku kana maria ri banua nTuamaKu?”

Yohanes 12:23

I Yesus notesa kamateNa ka ira. NiuliNa, “Nakavamo tempona Alatala mompopakita kaoge Ana nu Manusia, haitumo kaogeKu.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 2:3

Da ranja mposusa, naotimo uve anggur. Jadi nanguli tina Yesus ka Ia, “Domo ria uve anggurra. Naoti puramo.”

Yohanes 20:13

Nekutanamo malaeka-malaeka haitu, “Ina, nakuya komiu notumangi-mangi?” Nesana i Maria, “Tupuku niala ntonamo lako ri sii bo ledo nisaniku ri umba nipombolira.”

Yohanes 20:15

Nekutanamo i Yesus, “Ina, nakuya iko notumangi? Isema nielomu?” Nisarumaka i Maria bara topokarajaa ri pampa haitu. Jadi nesanamo ia, “Ane komiu nangala karobataNa lako ri sii, ulimo ka yaku bara ri umba nipombolimiu ala kusani bo hau kuala Ia.”

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 7:6

Nesanamo i Yesus, “Dopa tempona Kupopakita karoKu. Ane komiu, ledo nompetempo ane maria loga hau,

Yohanes 7:8

Koimo komiu ri posusa haitu. Yaku dopa hau, sabana dopa nakava tempoKu.”

Yohanes 8:20

Tesa i Yesus haitu nitesaNa ri doyata Banua nu Alatala tempo Ia nompatuduki tona napara peti pomboli doi pesomba. Ledo ria saitoa tona namala mombasaka Ia sabana dopa nakava tempoNa.

2 Korintus 5:16

Jadi haitumo sabana kami domo nombareke tona bara nabelo bara nadaa nangoseaka pekiri manusia. Bara ipia ivesia mami kami nombareke i Kristus, tapi hitupa domo.