Yohanes 2:21 - Kaili Ledo

²¹ Tapi banua nu Alatala nipatuju i Yesus haitumo karoNa mboto.

Yohanes 2:21 Iomraidhean Croise

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 2:22

Naliu i Yesus natuvu mpanjili lako ri kamateNa, nitora nu anaguruNamo tesaNa hitu. Bo niparasayaramo anu nitulisi riara Buku Gasa bo anu nitesa i Yesus mboto.

1 Korintus 3:16

Sampesuvu-sampesuvu, ledo nisanimiu komiu nasimbayu mpo banua niponturo nu Alatala? Bo Nosa GasaNa nonturo ri tatangamiu.

1 Korintus 6:19

Ledo nisanimiu karomiu nasimbayu mpo banua petupu anu niponturo Nosa Gasa nu Alatala? Ia natetida riara ntaimiu. Alatala mboto nombadekei Nosa Gasa ka komiu. Iamo Tupu nu karomiu, ledo komiu mboto tupuna.

2 Korintus 6:16

Masipato kita metupu nte Alatala ri BanuaNa bo metupu muni nte tupu-tupu ntanina? Natantu pura-pura haitu ledo ntoto masipato! Toramo! Kitamo anu najadi Banua nu Alatala, haitumo Alatala anu Natuvu sampe ri kasae-saena. Alatala mboto nanguli ivei: “Yaku matetida ri tatangara bo monturo mosanggani-nggani ante ira. Yaku majadi Tupura bo ira majadi todeaKu.” Imamat 26:12; Yehezkiel 37:27

Kolose 1:19

Dota nu Alatala mboto sampe pura-pura ingguNa bo kuasaNa naria muni nte AnaNa, bo ledo ria nakura.

Kolose 2:9

Apa nau i Kristus najadi manusia, pura-pura inggu bo kuasa nu Alatala naria riara karoNa bo ledo nakura nuapa-nuapa.

Ibrani 8:2

Ia nantui pokarajaa mpo Pakeni nTopanggeni Pesomba ri Tombi Nelabi Kagasana, haitumo ri Tenda nTupu mpuuna ri suruga, anu nipovia nu Alatala ledo povia nu manusia.