Yohanes 2:13 - Kaili Ledo

¹³ Naparapa Eo Mbaso Paskah ntoYahudi, haumo i Yesus ri ngata Yerusalem.

Yohanes 2:13 Iomraidhean Croise

Matius 21:12

Hau i Yesus nesua ri doyata Banua nu Alatala bo nipopalaiNa pura-pura tona nobalu-balu ri sia. NisumbolinakaNa meja-meja ntoposula doi bo bangku-bangku ntopobalu tonji banggebodo.

Markus 11:15

Pade napolamo ira ri ngata Yerusalem. Nakava hamai i Yesus nesua ri doyata nu Banua nu Alatala. Bo nipopalaiNa tona nobalu-balu hamai. NisumbolinakaNa meja-meja ntoposula doi bo bangku-bangku ntopobalu-balu tonji banggebodo.

Lukas 19:45

Naupu sia i Yesus hau nesua ri doyata Banua nu Alatala bo nipopalaiNa topobalu-balu ri sia.

Lukas 2:41

Mpae-mpae tina tuama i Yesus hau ri ngata Yerusalem nantuntuni posusa eo mbaso ntoYahudi anu niuli Posusa Paskah.

Yohanes 11:55

Tempo haitu naparamo eo mbaso agama Yahudi anu niuli Eo Mbaso Paskah. Jadi nadeamo tona lako ri ngata-ngata ntoYahudi nantende hau ri ngata Yerusalem ala mantuntuni ada pompakagasa karora dopame rapamula Eo Mbaso Paskah.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 2:23

Tempo i Yesus da naria ri ngata Yerusalem tempo Posusa Paskah, nadeamo tona nomparasaya Ia sabana nikitara kabaraka-kabaraka nipoviaNa.

Yohanes 5:1

Bara sakuya kasaena naliu haitu, nanjilimo i Yesus hau ri ngata Yerusalem mantuntuni eo mbaso ntoYahudi hamai.

Yohanes 6:4

Tempo haitu naparamo Eo Mbaso Paskah ntoYahudi.