Yohanes 2:11 - Kaili Ledo

¹¹ Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 2:11 Iomraidhean Croise

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Yohanes 1:43

Eo kamailena i Yesus nonia hau ri bagia Galilea. Ia nompotomu i Filipus, bo niulikaNa, “Kaimo, oseakamo Yaku.”

Yohanes 1:50

Nanguli i Yesus ka ia, “Iko nomparasaya sabana niuliKu nikitaKu iko hamai ri puna kayu ara. Tapi kana mukita kajadia nabarakapa pade kajadia haitu.”

Yohanes 10:41

Nadea tona hau nosinggava nte Ia. Bo simbo notesamo ira, “I Yohanes ledo ntoto novia kabaraka. Tapi ia nantesa i Yesus bo tesana haitu nakana mpuu!”

Yohanes 11:15

Nadamba raraKu Yaku ledo naria hamai tempo ia namate, sabana kamatena haitu manggeni belo ka komiu ala raparasayamiu Yaku. Anumo, haumo kita mompeinta i Lazarus.”

Yohanes 11:47

Jadi balengga-balengga ntopanggeni pesomba bo toFarisi nompasiromu toPolibu Mbaso Agama Yahudi. Niulira ka topolibu anu nasiromu haitu, “Nuapa masipato rapoviata? Nadea mpuu kabaraka nipovia ntona haitu.

Yohanes 12:18

Jadi nadea tona hau nombatomunaka i Yesus, sabana niepera i Yesus novia kabaraka haitu.

Yohanes 12:37

Naupa nadeamo kabaraka nipoviaNa ri ngayora, ledo niparasayara Ia.

Yohanes 12:41

Nabi Yesaya nanguli ivesia sabana nisaninamo kaoge anu maria nte i Yesus bo nibotona.

Yohanes 14:13

Bo nuapa-nuapa raperapimiu sabana komiu topangoseaka Yaku, kana Kupovia ka komiu, ala rakita ntona kaoge nTuamaKu.

Yohanes 16:27

Sabana, TuamaKu mboto nompotove komiu. Ia nompotove komiu sabana komiu nompotove Yaku bo niparasayamiumo Yaku hii nakava lako nte Ia.

Yohanes 16:30

Nisani kamimo Komiu nangisani mpengaya-ngaya. Ledo paraluu tona nompekutana Komiu sabana nisaniMiu mamimo pompekutanara. Haitumo sampe niparasaya kamimo Komiu mpuu-mpuu nakava lako nte Alatala.”

Yohanes 2:1

Rombongi kaliuna kajadia haitu, naria posusa ponika ri ngata Kana ri bagia Galilea. Tina Yesus naria hamai.

Yohanes 2:23

Tempo i Yesus da naria ri ngata Yerusalem tempo Posusa Paskah, nadeamo tona nomparasaya Ia sabana nikitara kabaraka-kabaraka nipoviaNa.

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 4:3

Jadi nisanipa i Yesus niepe ntoFarisimo lelena haitu, nalaimo Ia lako ri bagia Yudea bo nanjili hau ri bagia Galilea.

Yohanes 4:46

Bo hau vaimo Ia ri ngata Kana ri bagia Galilea, ngata nipompajadiNa uve najadi uve anggur bara ipia. Ri ngata Kapernaum naria saito tomaoge anu nokarajaa ri banua magau, anana langgai nadua ntamo.

Yohanes 4:54

Haitumo tanda karanduana nipokumaaka nipovia i Yesus tempo Ia nakava ri bagia Galilea lako ri bagia Yudea.

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Yohanes 6:26

Nesanamo i Yesus, “Pariaramo tesaKu! Komiu nangelo Yaku sabana komiu nangande roti sampe nabosu. Ledo nisanimiu patuju ntanda nabaraka nipoviaKu haitu.

Yohanes 6:30

Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 9:16

Bara sako-ndua toFarisi haitu nanguli, “Natantumo i Yesus haitu ledo lako nte Alatala, sabana Ia ledo nangoseaka atura-atura eo penonto.” Tapi naria muni sanu nanguli, “Umbamo tona nadosa mamala movia kabaraka ivehaitu?” Jadi nosisala panggava ira.

2 Korintus 3:18

Sii-sii lenjeta ledo nisalibumbu mpo lenje i Musa nggaulu, apa kita nompopakita kaoge i Pue Yesus riara nggatuvuta. Bo kaoge haitu nakava lako nte Tupu, haitumo Nosa Gasa anu natuvu riara ntaita. Nosa Gasa sakide-sakide nombabaliki kita majadi nasimbayu mpo i Pue Yesus, ala sakide-sakide mantambaipa kaogeNa rakita riara nggatuvuta.

2 Korintus 4:17

Kasusa nirasai kami ri dunia hitu nangaa bo aga sampalai. Bo kami mantarima belo sampe ri kasae-saena sabana nitidamaka kami riara kasusa haitu. Kasusa nirasai kami sii-sii aga sakide kodi ane rapoposisala ante belo ratarimata bara maipia.

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

1 Yohanes 5:13

Yaku notulisi sura hitu ka komiu topomparasaya Ana nu Alatala, ala rasanimiu mpuu komiu matuvu mabelo sampe ri kasae-saena.