Yohanes 2:10 - Kaili Ledo

¹⁰ bo niulikana, “Biasana tona nompatala uve anggur tobelona ntani ruru, bo ane torata nabasamo nanginu pade nipatala ka ira uve anggur biasa. Tapi komiu, nibolimiu uve anggur tobelona sampe sii-sii!”

Yohanes 2:10 Iomraidhean Croise

Matius 24:49

Bo ia aga nombaboba batua-batua ntanina bo aga nangande nanginu mpasanggani-nggani ante tona nalangu.

Lukas 12:45

Tapi mandasa mpuu batua haitu ane aga mompekiri riara ntaina ivei: ‘Wee! Da masaepa pade manjili madikaku.’ Bo ia aga nombaboba batua-batua ntanina langgai bo mombine, bo aga mangande manginu bo malimpuno.

Lukas 16:25

Tapi nesana i Abraham, ‘Toramo anaku, tempo iko ri dunia, nikavamu puramo belona, tapi i Lazarus aga nanggava anu nadaa. Sii-sii ia nipakadamba, bo iko nipandasa.

Suro-Suro 2:15

Kami hii ledo nalangu mpo nibatamiu. Dopa tempo panginu, da tinti sasio mpadondona.

1 Korintus 11:21

Apa ane komiu nangande, komiu aga nompago mangala kandeamiu bo panginumiu mboto bo ledo nompopea roa sampe naria tona ledo nanggava kandea nuapa-nuapa, bo naria ntanina aga nanginu sampe nalangu.

Efesus 5:18

Nee malangu, apa haitu aga mompopeumba dota rara nadaa anu mompakagero katuvumiu. Tapi komiu kana rakuasai Nosa Gasa nu Alatala.

1 Tesalonika 5:7

Apa tona anu aga namonjo bo nanginu sampe nalangu, namonjo bo nalangu bongina.

Pompakita 17:2

Magau-magau ri dunia nakava nosipogau nte mombine haitu. Bo mombine haitu nompopainu tona nonturo ri dunia ante uve anggur napai anu nepakalangu. Batuana, ia nompadidi ira nompasiala pokaingguna nadaa bo nabuga.”

Pompakita 17:6

Bo nikitaku mombine haitu nalangu sabana nanginu raa ntodea nu Alatala. Batuana, nadidi rarana nompatesi tona nomparasaya i Yesus bo nompatolele karebaNa. Nokumaa mpuu raraku nanggita mombine haitu.