Yohanes 19:9 - Kaili Ledo

⁹ Jadi nesua mpanjilimo ia riara banuana bo i Yesus muni nikeni nesua. Nekutanamo i Pilatus, “Tona lako ri umba Iko?” Tapi ledo nesana i Yesus.

Yohanes 19:9 Iomraidhean Croise

Matius 26:63

Tapi nau ledo nasala, i Yesus ledo notingo. Bo sangganipa Pakeni nanguli ka Ia, “Ulimo ri ngayo nu Alatala anu Natuvu, uli ka kami ane Iko mpuu-mpuu Magau Topepakasalama, Ana nu Alatala!”

Matius 27:27

Naupu sia tantara nu Gubernur nanggeni i Yesus hau ri tombi potangara riara Banua Gubernur bo nirondera pura-pura roara nasiromu nantagui i Yesus.

Lukas 23:9

Haitumo sampe nadea pompekutanana nte i Yesus, tapi i Yesus ledo nesana.

Yohanes 18:28

Da bobayana ntoto, nikeniramo i Yesus lako ri banua i Kayafas hau ri banua nu Gubernur. Pakeni-pakeni ntoYahudi mboto ledo nesua riara banua Gubernur Pilatus haitu, sabana ira majadi maruto nangoseaka Atura-atura agamara, bo ledo mamala mangande kandea posusa Paskah ngena.

Yohanes 18:33

Nangepe haitu, nesua vaimo i Pilatus hau riara banuana bo nituduna tona manggeni i Yesus ka ia. Bo nipekutanana i Yesus, “Nakana mpuu Iko Magau ntoYahudi?”

Yohanes 18:34

Nesana i Yesus, “Nisanimiu mboto atau tona nanguli ka komiu?”

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Yohanes 19:10

Jadi nanguli vaimo i Pilatus ka Ia, “Nakuya ledo nipesanakaMu tesaku? Yaku nakuasa mombakabasaka Iko, bo nakuasa muni mombapaku Iko ri kayu salib!”

Yohanes 19:8

Nangepe tesa ntoYahudi haitu, nantambaimo kaeka rara i Pilatus.

Yohanes 8:14

Nesana i Yesus, “Nau karoKu mboto nitesaKu, nakana tesaKu sabana nisaniKu lako ri umba kakavaKu bo hau ri umba Kukalau. Tapi ledo nisanimiu lako ri umba kakavaKu bo hau ri umba Kukalau.

Filipi 1:28

Bo nee rapokaeka tona mangeva komiu. Apa kabiamiu haitu nompakalanto ka ira iramo rahuku nu Alatala bara maipia, tapi komiu rapakasalamaNa, sabana Alatalamo nombatulungi komiu.