Yohanes 19:4 - Kaili Ledo

⁴ Naupu haitu, nesuvu vaimo i Pilatus hau ri savalikuna nanguli ka toYahudi, “Peintamo! Ia kukeni mesuvu tumai nte komiu ala rasanimiu ledo ntoto naria salaNa nikavaku.”

Yohanes 19:4 Iomraidhean Croise

Matius 27:19

I Pilatus da nonturo ri Ponturo Potangara haitu, nakavamo saito tona nanggeni petevai nu berei i Pilatus, nanguli ivei: “Nee ratangara parakara ntona ledo nasala haitu! Iamo sampe pangipiku nadaa ibongi.”

Matius 27:24

Kaupuna nalantomo ka i Pilatus ledo ria gunana mompapola motesa ka ira, sabana ira aga nantambai nongare-ngare, sakidepa majadi kagado. Jadi nialana uve, nitoposina palena ri ngayo ntodea, bo niulina ka ira, “Yaku ledo manjimbuaka sala lako ri kamate ntona nanoa hitu. Komiumo manjimbuakana.”

Matius 27:4

Niulikana ira, “Nadosamo yaku! Yaku nompobalu tona ledo nasala bo Ia nihuku mate!” Nesana ira, “Haitu ledo urusa kami! Urusamu mboto!”

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Lukas 23:4

Gubernur Pilatus nangulika balengga-balengga ntopanggeni pesomba bo todea haitu, “Niparesakumo tona hitu, ledo ntoto naria salaNa nikavaku!”

Lukas 23:41

Bo kita randua hii masipato rahuku nasinjuru ante pokaingguta nadaa. Tapi tona hitu ledo ntoto nasala!”

Lukas 23:47

Tempo balengga nu tantara nanggita anu najadi, nitoiyanamo Alatala. Niulina, “Nakana mpuu tona hitu ledo ria salaNa.”

Yohanes 18:33

Nangepe haitu, nesua vaimo i Pilatus hau riara banuana bo nituduna tona manggeni i Yesus ka ia. Bo nipekutanana i Yesus, “Nakana mpuu Iko Magau ntoYahudi?”

Yohanes 18:38

Nekutana i Pilatus, “Nuapa anu nakana?” Naupu haitu nesuvu vaimo i Pilatus lako riara banuana hau mangulika toYahudi, “Ledo ntoto naria nikavaku sala ntona hitu.

Yohanes 19:6

Nanggita i Yesus, nongare-ngaremo balengga-balengga ntopanggeni agama bo topojaga-topojaga Banua nu Alatala nanguli, “Pakumo Ia ri kayu salib! Pakumo Ia ri kayu salib!” Nesana i Pilatus ka ira, “Alamiu mbotomo Ia, bo pakumiu mbotomo Ia ri kayu salib, sabana tona hitu ledo ntoto naria salaNa nikavaku.”

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Ibrani 7:26

Jadi i Yesusmo Pakeni nTopanggeni Pesomba anu nompakule nombatulungi kita. Ia nagasa, ledo ntoto ria salaNa atau dosaNa. Ia nitaniaka lako ri tona nadosa, bo Ia nioretaka sampe ri ponturo nalangapa pade pura-pura anu naria ri langi, haitumo ri suruga.

1 Petrus 1:19

tapi nibayariNa ante anu nelabi noali, haitumo raa i Kristus. I Kristus nireke mpo ana bimba nadoli bo ledo nasala nisambale manjambei komiu.

1 Petrus 2:22

Ia ledo sanggania novia dosa, ledo sanggania Ia nodava.

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

1 Yohanes 3:5

Nisanimiumo patuju i Yesus nakava ri dunia ala Ia mompakalali pura-pura dosa manusia. Bo nisanimiu muni Ia mboto ledo ntoto nadosa.