Yohanes 19:11 - Kaili Ledo

¹¹ Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Yohanes 19:11 Iomraidhean Croise

Matius 26:65

Nangepe haitu nagigimo rara nu Pakeni nTopanggeni Pesomba sampe nibitesina mboto bajuna. Niulina, “Ia mboto nompakasimbayu karoNa ante Alatala! Niepemiu mboto tesaNa nanjalai Alatala! Domo paraluu sabi-sabi ntanina!

Matius 27:2

Nitipunggura Ia bo nikenira hau nte Gubernur Pilatus.

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Markus 14:44

Dopame ira hau, lave nipakatantu i Yudas mamimo tandana ka ira ala rasanira umbana i Yesus. Niulina, <>

Lukas 22:53

Eo-eo Yaku naria nosanggani ante komiu ri Banua nu Alatala, tapi ledo nisakamiu Yaku. Damo bongina hitu pade nabia komiu nakava mombasaka Yaku. Hitumo logamiu, loga nu Magau Seta!”

Yohanes 18:13

Nikenira ntani ruru i Yesus hau nte i Hanas, matua langgai i Kayafas. I Kayafas haitu tona najadi Pakeni nTopanggeni Pesomba mpae haitu.

Yohanes 18:3

Jadi i Yudas nanggeni salunu tantara nu Magau Mbaso Roma bo topojaga Banua nu Alatala hau ri pampa haitu. Ira nitudu nu balengga-balengga ntopanggeni pesomba bo toFarisi. Nikenira poindo, sulo bo pareva posieva.

Yohanes 19:10

Jadi nanguli vaimo i Pilatus ka Ia, “Nakuya ledo nipesanakaMu tesaku? Yaku nakuasa mombakabasaka Iko, bo nakuasa muni mombapaku Iko ri kayu salib!”

Yohanes 3:27

Nesana i Yohanes, “Ledo makuya. Ledo ria saitoa manggava nuapa-nuapa ane ledo radekei nu Alatala ka ia.

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 9:41

Nesana i Yesus, “Ane rapana komiu naburo mami, natantumo ledo nadosa komiu. Tapi komiu nanguli namala nekita. Haitu sampe komiu bate-batena nadosa.”

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 3:13

Alatala anu nisomba ntotuata bo Nabi Abraham, i Ishak, bo i Yakub, Iamo nombabila bo nompakaoge BatuaNa i Yesus. I Yesus haitumo nidekeimiu ka pomarenta, bo Iamo nipoaramiu ri ngayo i Pilatus tempo i Pilatus madota mombakabasaka Ia.

Suro-Suro 4:28

Ira nasintuvu nompatesi i Yesus. Tapi kakanana anu nipoviara aga nompakadupa anu nipakatantuMiu mami lako ri pamulana nangoseaka kuasaMiu bo dotaMiu.

Roma 11:36

Apa pura-pura anu naria, nopuna lako nte Alatala bo natuvu lako ri kuasaNa bo Iamo Tupuna. Iamo masipato ratoiyata bo rabilata sampe ri kasae-saena! Amin!

Roma 13:1

Pura-pura kita kana matundu nte pomarenta sabana ledo ria pomarenta anu ledo nanggava kuasana lako nte Alatala. Pura-pura pomarenta anu naria nipakakuasa nu Alatala.

Yakobus 1:17

Pura-pura pedekei nabelo, anu ledo ria galona nadaa, nakava lako nte Alatala ri suruga. Ia nompajadi pura-pura anu nareme ri langi. Vayo-vayo najadi lako ri reme haitu nasaro nabali, tapi Ia ledo nabali. Ia bate-batena nabelo.

Yakobus 4:17

Ane nisanita anu nabelo paraluu rapoviata, tapi ledo nipoviata, kita nadosa.