Yohanes 18:8 - Kaili Ledo

⁸ Bo nangulimo i Yesus, “NiuliKumo ka komiu pangane, Yakumo hii i Yesus. Ane Yaku mpuu nielomiu, palogamo roaKu hitu malai.”

Yohanes 18:8 Iomraidhean Croise

Matius 26:56

Tapi domo. Kana majadi ivesia mamimo ala madupa tesa nitulisi nabi-nabi nggaulu ri Buku Gasa.” Naupu haitu nipalaika nu anaguruNa puramo Ia.

Yohanes 10:28

Yaku nombadekei ka ira katuvu mabelo sampe ri kasae-saena bo ira ledo ntoto rapopogaa lako nte Alatala. Ledo ntoto maria saitoa tona mamala mangago bimbaKu lako nte Yaku.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 13:36

Bo nekutanamo i Petrus, “Pue, hau ri umba Komiu?” Nesana i Yesus, “Ri umba Kukalau, iko dopa mamala metuntuni. Bara maipiapa pade mutuntuni Yaku.”

Yohanes 16:32

Pariaramo! Kana makava tempona, bo nakavamo tempo haitu, komiu mosimpogaa. Komiu simbo manjili hau ri banuamiu mboto mompalaisi Yaku saitoKu. Tapi Yaku ledo aga saitoKu sabana TuamaKu naria nosanggani-nggani ante Yaku.

Yohanes 18:7

Pade nekutana vaimo i Yesus, “Isema nielomiu?” Nesanamo ira, “I Yesus toNazaret.”

Yohanes 18:9

I Yesus notesa ivesia ala mompakadupa tesa niuliNa pangane ivei: “Tata, lako ri pura-pura topeoseaka nidekeiMiu ka Yaku ledo ria saitoa nalipo.”

1 Korintus 10:13

Pura-pura pesori anu nambela komiu nasimbayu ante pesori-pesori anu nipambela ka pura-pura manusia. Tapi Alatala namala raparasaya mantulungi komiu. Ledo rapalambaNa komiu rapesori ante pesori anu melabi lako ri pompakulemiu. Tempo komiu rapesori, Ia mompopaisani dala ka komiu ala komiu maroso bo maroo raramiu mombatidamaka riara pesori haitu.

2 Korintus 12:9

Tapi niuliNa ka yaku, “Nemo. Nipotoveku iko, bo haitu naganamo ka iko. Apa ane nalente iko, kuasaKu malanto mpuumo riara nggatuvumu.” Jadi, haitumo sampe yaku nadamba nangoe anu nompopakita kalenteku, apa ane yaku nalente, kuasa i Kristus nokarajaa riara ntaiku.

Efesus 5:25

Langgai, potovemo bereimiu mombine nasimbayu mpo i Kristus nompotove todea topomparasaya bo nombadekei karoNa rapatesi ala mompakasalama kita todea topomparasaya.

1 Petrus 5:7

Dekeimo pura-pura kakini raramiu ka Ia apa Ia bate-batena nompariara komiu.