Yohanes 18:4 - Kaili Ledo

⁴ Nisani i Yesus puramo anu majadi ri karoNa. Haitu sampe Ia hau nanggaparai tona dea haitu bo nekutana, “Isema nielomiu?”

Yohanes 18:4 Iomraidhean Croise

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Matius 26:2

“Nisanimiumo roeopa Eo Mbaso Paskahmo. Bo Yaku, Ana nu Manusia, radekei ka baliKu bo rapakura ri kayu salib.”

Matius 26:21

Da nangande ira, nangulimo i Yesus, “Pariaramo tesaKu hitu. Saito komiu mompobalu Yaku ka baliKu.”

Matius 26:31

Bo i Yesus nanguli ka ana-anaguruNa, “Bongi hitu komiu pura-pura moleju pomparasayamiu bo rapalaisimiu Yaku, sabana nitulisi riara Buku Gasa ivei: ‘Kupatesi topoevu bo bimba-bimbana masimpotare.’ Zakharia 13:7

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 13:11

Niuli i Yesus ivesia sabana nisaniNa isema mompobalu Ia ka baliNa. Haitu sampe niuliNa, “Aga saito ledo nagasa.”

Yohanes 18:5

Nesanamo ira, “I Yesus toNazaret.” Nesanamo i Yesus, “Yakumo hii i Yesus.” I Yudas topompobalu i Yesus neangga ri sia nosanggani-nggani nte tona dea haitu.

Yohanes 18:7

Pade nekutana vaimo i Yesus, “Isema nielomiu?” Nesanamo ira, “I Yesus toNazaret.”

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Yohanes 6:64

Tapi da naria sanu komiu ledo nomparasaya.” I Yesus nanguli ivesia sabana nisaniNa mamimo lako ri pamulana isema ledo momparasaya bo isema mompobalu Ia bara maipia.

Suro-Suro 2:28

NituduakaMiu ka yaku dala matuvu mabelo sampe ri kasae-saena. Melabipa kadamba raraku apa Komiu nosanggani-nggani ante yaku.’ ” Mazmur 16:8-11

1 Petrus 4:1

Kristus mboto nombarasai kasusa bo kapari tempo Ia natuvu ri dunia hitu. Jadi haitumo sabana komiu muni kana mompakaroo raramiu ala masadia mombarasai kasusa bo kapari nasimbayu mpo Ia. Apa isema-sema nombarasai kasusa bo kapari ri karona mboto domo nadota novia dosa.