Yohanes 18:2 - Kaili Ledo

² I Yudas, topompobalu i Yesus, nisanina muni pampa haitu apa i Yesus nasaro nasiromu nte anaguruNa hamai.

Yohanes 18:2 Iomraidhean Croise

Matius 17:15

“Pue, poasimo anaku! Ia natorompate, nandasa mpuu ia. Ia nasaro nadungga ri apu atau ri uve.

Lukas 21:37

Eona, i Yesus nompaguru ri Banua nu Alatala bo bongina hau naturu ri Bulu Zaitun.

Lukas 22:39

Naupu sia, i Yesus nesuvu lako rangata haitu bo hau nantende ri Bulu Zaitun nangoseaka kabiasaNa. Bo ana-anaguruNa muni hau nosinggani-nggani nte Ia.