Yohanes 17:6 - Kaili Ledo

⁶ “Tata, nipopaisaniKumo Komiu ka tona nidekeiMiu ka Yaku lako ri dunia hitu. Ira todeaMiu mami, bo ira nidekeiMiu muni ka Yaku. Nioseakaramo tesaMiu

Yohanes 17:6 Iomraidhean Croise

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 12:28

Jadi nanguli i Yesus ka TuamaNa, “Tata, popakita kaogeMiu ka manusia!” Naupu niuliNa ivesia, nariamo suara lako ri langi nanguli, “NipopakitaKumo kaogeKu bo Kupopakita vai.”

Yohanes 15:19

Ane rapana komiu nosangu pekiri ante tona ledo nomparasaya Yaku, natantumo rapotovera komiu sabana komiu roara mboto. Tapi komiu ledo nosangu pekiri ante ira, sabana Yaku nompelisi komiu bo nopatani komiu ka Yaku. Jadi haitu sampe komiu nipovuu matara.

Yohanes 15:3

Komiu tu nagasamo sabana nipariaramiumo pepatuduki nitesaKu ka komiu.

Yohanes 15:7

Ane komiu maroo mosangu rara nte Yaku bo tesaKu maroo riara ntaimiu, perapimo nuapa-nuapa nipokonomiu bo radekei ka komiu.

Yohanes 17:12

Tempo Yaku da nosanggani-nggani ante ira, Yakumo nombajagai ira ante kuasaMiu, haitumo kuasa nidekeiMiu ka Yaku. NijagaiKu anaguruKu sampe ledo ria saitoa ira nalipo, aga ia anu masipato rapopogaa lako nte Komiu sampe ri kasae-saena ala madupa anu nitulisi riara Buku Gasa.

Yohanes 17:14

NipasimbayuKu ka iramo tesaMiu sampe tona riara dunia hitu navuu matara nanggita anaguruKu. Sabana, anaguruKu haitu ledo nosangu pekiri ante ira, nasimbayu mpo Yaku muni ledo nosangu pekiri ante tona haitu.

Yohanes 17:16

Ira ledo nosangu pekiri ante tona ledo nomparasaya, nasimbayu mpo Yaku muni ledo nosangu pekiri ante tona haitu.

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Yohanes 17:26

NipopaisaniKumo Komiu ka ira. Bo da Kupopaisani hanupa Komiu ka ira ala Ira mompotove tona ntanina nasimbayu mpo Komiu nompotove Yaku, bo ala Yaku mboto monturo riara ntaira.”

Yohanes 17:7

bo hitupa nisaniramo pura-pura anu naria nte Yaku, nopuna lako nte Komiu.

Yohanes 18:9

I Yesus notesa ivesia ala mompakadupa tesa niuliNa pangane ivei: “Tata, lako ri pura-pura topeoseaka nidekeiMiu ka Yaku ledo ria saitoa nalipo.”

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Yohanes 6:39

Bo iveimo dota nu Alatala anu nantudu Yaku, ala ledo malipo nau saitoa lako ri pura-pura tona nidekeiNa ka Yaku. Ira pura-pura kana Kupakatuvu mpanjili ri kaupu nu dunia.

Yohanes 8:51

Pariaramo tesaKu hitu. Isema-sema mangoseaka tesaKu ledo mamate sampe ri kasae-saena.”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Suro-Suro 13:48

Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Roma 11:2

Alatala ledo nompoara todeaNa anu nipelisiNa lako bara ipiame. Toramo tesa Nabi Elia nitulisi ri Buku Gasa. Tempo ia nompangadu toIsrael ri ngayo nu Alatala niulina ivei:

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

2 Timotius 1:13

Timotius, toramo pura-pura pepatuduki niepemu lako nte yaku. Pepatuduki haitu nakana mpuu bo kana majadi jonjo mupasiala bo mupatuduki ka tona ntanina. Pakaroso pomparasayamu bo potovemo singgamanusiamu sabana posangu raramu nte i Yesus Kristus.

Ibrani 2:12

Ia nanguli ka Alatala ivei: “Pue, kana Kupatolele karebaMiu ka sampesuvu-sampesuvuKu. Tempo ira nasiromu metupu, Kutoiya Komiu.” Mazmur 22:23

Ibrani 3:6

Tapi i Kristus ledo aga potudua, Ia Ana nu Alatala mami anu natutu nompasiayu pura-pura todea nTuamaNa. Bo kitamo nireke todea nu Alatala asaa kita naroo nomparasaya bo ledo nolengga-lengga nanjarumaka i Yesus ante damba rara sampe ri kaupuna.

1 Petrus 1:1

Sampesuvu-sampesuvu anu nipelisi majadi todea nu Alatala bo nonturo mpo topesovo nasimpotare ri umba-umba ri propinsi Pontus, Galatia, Kapadokia, Asia bo Bitinia: Sura hitu lako nte yaku i Petrus, suro i Yesus Kristus. Kuperapi Alatala mpuu-mpuu mabelo nte komiu bo mompakatinonto raramiu. Komiu nipelisi nTuamata Alatala majadi todeaNa nangoseaka niaNa mboto lako ri lamba pamulana. Bo Nosa Gasa nompakajadi komiu todea nagasa, nipatani ka Alatala, ala komiu matundu nte i Yesus Kristus bo dosamiu raampungiNa sabana raaNa natiti ri kayu salib.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Pompakita 2:13

NisaniKumo ngata niponturomiu, haitumo ri ngata ponturo Magau nu Seta. Tapi naupa ivesia, naroso pomparasayamiu Yaku. Tempo sabiKu nosanga i Antipas nipatesi ri ngatamiu, komiu ledo nesapu nomparasaya Yaku. I Antipas haitu sabiKu bo ia bate-batena nomparasaya Yaku sampe ia nipatesi ntona ri ngatamiu, haitumo ri ngata nikuasai Magau nu Seta.

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.

Pompakita 3:8

NisaniKumo pura-pura pokainggumiu. NisaniKu munimo ledo naroso ntoto pomparasayamiu, tapi komiu natutu nangoseaka tesaKu bo ledo nisapumiu Yaku. Epemo! Yaku nobuka ka komiu sangu vamba, bo ledo ria saitoa tona mamala mombatutuina.